Selemia 13:16 - Tosi Tapu

¹⁶ Kotou tuku le kololia ki le Eteleno, lokoutou Atua, I mua o lana kakau mai kia koutou le fakapouli, I mua o le tukia o okoutou vae ki atu mauga o le pouli ; E kotou talitali loa ki le malama, Kae e fetogi loa e ia a ia ki le malu o le mate, E fakaliliu loa e ia a ia ko se fakapouli matotolu.

Selemia 13:16 ပူးပေါင်းရင်းမြစ်များ

Sopo 3:5

Ke osoi a ia e le fakapouli matotolu mo le malu o le mate, Ke fakatuu e ao matotolu lolatou nofoaga i ona aluga, Ti ke tapono e le fakapouli matotolu le laa kiate ia !

Pesalemo 107:10

Ko latou ala na nonofo i le fakapouli mo le malu o le mate, Na mauli popula i le mamae mo tini,

Pesalemo 107:14

Na fakamavae loa e ia latou i le fakapouli mo le malu o le mate, Ti na motusi loa e ia olatou sai.

Pesalemo 29:2

Kotou tuku ki le Eteleno le kololia leia e gali mo lona suafa ! Kotou atolasio ki le Eteleno i ni kofu taputapu !

Pesalemo 44:19

Na leaise maliu kese omatou loto, Na leaise fakamamao o matou vae i lou ala,

Ekesote 10:21

Na pati loa le Eteleno kia Moisese : Siki lou lima ki le lagi, ti ke vilo se fakapouli ki le fenua katoa o Esipito, io, se pouli matotolu.

Taagapati 4:19

Ko le ala o le kau agaveli e faipe le fakapouli ; E leaise lotou tio ki le nea leia e fakavilo ia loa latou.

Ekelesiasi 11:8

E tonu ke fiafia le tagata i fetuu taki tasi ala kua soli kiate ia, logo ai pe mauli fualoa a ia ; talie e tonu ke tou iloa e feauga malie a aso ala e tou mamae ai, talie e fai le apogipogi ki vaiga.

Esaia 5:30

I le aso lena, e i ai loa se gugulu i ona tafa, Ofaipe le gugulu o le afa i le tai ; Ka tio ki le fenua, e tio loa ki le fakapouli ata, Mo ni tuania ti mo ni amanaki malie o faifai lakaga ; Ti e fakapouli loa le lagi.

Esaia 59:10

E motou saele taufa ofaipe ni kivi ki se kaua, E motou saele taufa ofaipe latou ala e leai ni mata ; E motou sisiga i le lalatea ofaipe le pouli, I loto malie o le mou e motou faipe ni mate.

Esaia 59:9

Koia e mamao ai le saofaki ia matou ; Ti e leaise kaku mai ai le fakamauli kia matou ; E motou talitali ki le malama, ti ko leinei ko le fakapouli, Ki le mafoata, ti e motou saele i le pouli.

Esaia 60:2

Ko leinei, e uufi e le pouli le malama nei, Ti e le fakapouli matotolu a kakai ; Kae kiate koe e sopo ake le Eteleno, Kiate koe e sa lona kololia.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 14:19

Pe kua ke tiaki loa a Suta ? Pe kua fakalialia lou laumalie ki Sione ? Kolea kua ke taai ai matou, kae e leaise fakamauli matou ? Na motou amanaki malie ki le tokamalie, kae e leaise soko se nea e malie, Ki se aso o le fakamauli, kae ko leinei ko le mamae fakaii !

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 23:12

Koia e liliu ai loa lolatou ala o sekeseke mo fakapouli, E tule loa latou, ti e lotou sisiga loa. Talie e kau aumai loa kia latou le malaia, I le fetuu leia e kau tautea ai loa latou, e pati le Eteleno.

Selemia 4:23

E kau tio ki le malama nei, ti ko leinei, kua maveuveu a ia mo lavaki, Ki atu lagi, ti kua puli lolatou malama.

Selemia 50:6

Ko loku kakai ko se kau ovi leia na puli noa ; Na fakasese latou e olatou tausi ovi, o taki latou i mauga ; Na lotou ano mei mauga lalasi ki mauga liliki, Kae galo lolatou lotoa.

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Selemia 8:15

Na tou amanaki malie ki le tokamalie, Kae e leaise soko fua se nea e malie kia tatou ; Ki se fakamauli, ti ko leinei, ko le nea fakaii !

Tagi laulau a Selemia 4:17

E soko atu le gaegae o omatou mata, Ti e motou talitali noa ki se tokoi. Na amanaki malie omatou mata Ki se puleaga leia na leaise saofaki ia matou.

Esekiele 21:15

Kua fakakakai a ia ke tamate, Kua gigila a ia ke ula. Pe tou fiafia loa ? E vesia le tokotoko o loku vosa ki laakau fuli…

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Esekiele 36:15

E leaise ke toe logo loa ki lauveli a atu puleaga, Ti e leaise ke toe amo loa le luma o atu puleaga ; E leaise ke toe maumaui loa lou puleaga, e pati le Aliki, le Eteleno.

Soele 2:2

Aso o fakapouli mo le pouli loloto, Aso o ao mo kokofu, E au a ia ofaipe le mafola o le pouli i aluga o mauga. Ko leinei se kakai toka api mo makeke, Leia e leai sona tatau, Ti e leaise toe maua sona tatau i temi ki muli.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Amosi 5:18

Malaia kia latou ala e oli ki le aso o le Eteleno ! Kolea le nea leia e kotou talitali ki ai i le aso o le Eteleno ? Ki se aso manuia ? Leai, talie ko se aso fakapouli.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Soane 12:35

Na pati loa Sesu kia latou : Koi nofo fua le malama i se ga temi ikiiki ia koutou. Kotou saele koi kotou maua le malama, talie ke aua na maua koutou e le fakapouli : ko leia e saele i le fakapouli e leaise iloa e ia pe ano a ia kifea.

Sosue 7:19

Na pati loa Sosue kia Akane : Ei loku vosa, e kau kole atu kiate koe, ke ke fakaapaapa ki le Eteleno, le Atua o Iselaele, ti ke ke fakakololia kiate ia ! Koia ke ke fakasa mai kiate au le nea leia na ke fai, ke aua na ke toe fufu a ia kiate au !

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.

Uluaki tosi a Samuele 6:5

Kotou fai ni fakatata o okoutou masaki mo ni fakatata o okoutou kimoa ala e maumaui ia le fenua, ti ke kotou tuku le fakakololia ki le Atua o Iselaele : E lagi fakamaamaa loa e ia lona lima kia koutou, mo okoutou atua, mo lokoutou fenua.