Selemia 13:14 - Tosi Tapu

¹⁴ E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 13:14 ပူးပေါင်းရင်းမြစ်များ

Lua tosi o Koloniko 20:23

Talie na oso loa a vosa o Amone mo Moape ki le kakai o le mauga o Seili, ti na lotou tamate loa latou fuli : i le oki o lalatou tamate le kakai o Seili, na lotou fetokoiaki loa o fetamateaki loa ia latou.

Sopo 27:22

E fana fakaveliveli e le Atua ana gasau kiate ia, Ti e oli a ia ke sola ke sao i gasau.

Pesalemo 2:9

E ke fatifatii loa latou ki se tokotoko ukamea, E ke fatifatii loa latou ofaipe le ipu a se tagata faiipu.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Selemia 15:5

Ko ai e alofa loa kiate koe, Selusalemi ? Ko ai e mamae loa kiate koe ? Ko ai e ano loa o afa pe ke feaki ?

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 16:5

Talie e folafola le Eteleno, o pati : Aua na ke ulu ki se fale o le putu, Aua na ke ano o tagi i ai, mo tagi laulau i ai mo latou ; Talie kua kau too loku tokamalie i le kakai lena, e pati le Eteleno, Mo loku agamalie ti mo loku manava alofa.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 25:16

E lotou inu loa, ti e lotou sisiga loa ti e lotou fai loa pe ni vale, Mo ka lotou tio loa ki le seleta leia e kau kakau loa kia latou.

Selemia 47:3

O tupu ko le patatu o vae o ana osi makeke, Mo le gugulu o ana saliote ti mo le kiki o teka. E leaise toe tagaki ki muli a tamana ki alatou fanau, I le gaegae lasi olatou lima,

Selemia 48:12

Koia e pati ai le Eteleno, ko leinei e soko mai loa a aso, Ala e kau kakau ai loa ni kakai ke liligi ia a ia ki ni iki ake a ipu ; E lotou liligi loa ke mamasa a fagu ala e tanaki ai a ia, Ti e lotou maumaui loa ona utele.

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Tagi laulau a Selemia 2:21

Kua momoe a toe mo matua i le kele i ala ; Kua mamate oku taineliki taupoou mo oku tama tupulaga i le seleta ; Na ke tamate, i le aso o lou sausau, Na ke tamate sala alofa.

Esekiele 24:14

Ko au, le Eteleno, kua kau masau : ti e soko loa le nea lena ! E kau fai loa a ia ; ti e leaise kau toe solomuli loa, ti e leaise kau toe aloalofa loa pe toe fakasemala loa. E fakamaaui loa a koe o mulimuli ki lau aga mo au gaoi, e pati le Aliki, le Eteleno.

Esekiele 7:3

I le aso nei e au le fakaoki kiate koe ; E kau kakau mai loa loku sausau kiate koe, E kau fakamaau loa a koe o mulimuli ki ou ala, E kau fakaamo loa kiate koe au aga fakalialia fuli.

Esekiele 7:4

E leaise toe alofa loa loku mata kiate koe, Ti e leaise kau toe maua loa se ga manava alofa kiate koe ; Kae e kau fakaamo loa kiate koe ou ala, Ti e tuu loa au aga fakalialia i loto malie o ou ; Ti e kotou iloa loa ko au ko le Eteleno.

Esekiele 7:9

E leaise alofa loa loku mata kiate koe, Ti e leaise kau toe maua loa se manava alofa, E kau fakaamo loa kiate koe ou ala, Ti e tuku loa i ou mua au aga fakalialia. Ti e kotou iloa loa ko au ko le Eteleno, leia e tautea ia.

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Esekiele 9:10

Ko au foki, e leaise kau toe aloalofa loa, ti e leaise kau toe maua loa se manava alofa ; kae e kau fakato loa alatou gaoiaga ki olatou ulu.

Esekiele 9:5

Ti na masau loa a ia ki la ake tagata i oku mua, o pati : Kotou ano i ona muli i le kolo, ti kotou taai ; ke aua na toe aloalofa loa okoutou mata, ti ke aua na kotou toe manava alofa loa !

Oseo 2:4

Kotou kole, kotou kole ki lokoutou tinana, talie e leaise ko laku avaga a ia, ti e leaise ko lona avaga au ! Ke sau e ia ana faiaga mei ona mua, ti mo ana tono tagata mei le vasa o ona u !

Sakalia 11:6

Talie e leaise kau toe folafola loa ki le kakai o le fenua, E pati le Eteleno : Ti ko leinei, e kau tuku a tagata Ki lima o la ki la ti mo lima o lolatou sau. E lotou maumaui loa le fenua, Ti e leaise kau saofaki loa se tasi i olatou lima.

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Maleko 13:12

E tuku loa e le taina lona taina ki le mate, ti ko le tamana lana fanau ; e tuu ake loa a fanau ki olatou matua, o tuku latou ke tamate.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Uluaki tosi a Samuele 14:16

Na tio loa le kau leo a Saulo, ala na nonofo i Kipea o Pesamino, ki le mavete a le kau Filisitini o tasi ano.