Selemia 13:12 - Tosi Tapu

¹² E ke fakasa loa kia latou le folafola leinei : E pati le Eteleno, le Atua o Iselaele : E apele loa a ipu fuli i le vino. Ti e lotou pati atu loa kiate koe : Pe leaise motou iloa E apele loa a ipu fuli i le vino ?

Selemia 13:12 ပူးပေါင်းရင်းမြစ်များ

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 13:13

Ti e ke pati loa kia latou : E folafola le Eteleno, o pati : Ko leinei, e kau fakaapele loa a kakai fuli o le fenua leinei, A sau ala e nonofo i le ekeekeaga fakasau o Tavite, Mo le kau faisakilifisio, mo le kau polofeta, mo le kakai katoa o Selusalemi, E kau fakaapele loa latou fuli ki le vino ke konana.

Selemia 25:16

E lotou inu loa, ti e lotou sisiga loa ti e lotou fai loa pe ni vale, Mo ka lotou tio loa ki le seleta leia e kau kakau loa kia latou.

Esekiele 24:19

Na pati mai loa le kakai kiate au : Pe leaise ke fakamatala mai loa kia matou le uiga o le nea leia e ke fai ?