Selemia 13:1 - Tosi Tapu

¹ Na folafola mai le Eteleno kiate au, o pati : Ano o totogi se kilipipi tea, ti toi a ia ki lou vakavaka ; ti aua na ke fakasusu a ia ki le vai.

Selemia 13:1 ပူးပေါင်းရင်းမြစ်များ

Esaia 20:3

Ti na pati loa le Eteleno : ofaipe le saele telefua mo kilii vae a laku tagata fakasausau ko Esaia, e liliu loa le nea lena, mo ka sili ni fetuu e tolu, ko se fakamailoga o le nea leia ka soko loa ki Esipito mo Etiopia.

Selemia 13:11

Talie e faipe le nonoa o le kilipipi i vakavaka o se tagata, Na kau sai foki kiate au le fale katoa o Iselaele Ti mo le fale katoa o Suta, e pati le Eteleno, O tupu ke la liliu ko loku kakai, Mo loku igoa, mo loku fakavikiviki, ti mo loku kololia. Kae na leaise la fakalogo fua kiate au.

Selemia 18:2

Tuu ki aluga, o ifo ki le fale o le tagata faiipu ; I lena, e kau fakasa loa kiate koe aku folafola.

Selemia 19:1

E folafola le Eteleno, o pati : Ano, o totogi i se tagata faiipu se ipu kele, ti ke too o ano mo koe ni kau matua i le kakai mo ni kau tagata faisakilifisio ia latou ala kua matutua.

Selemia 27:2

Na pati mai le Eteleno kiate au : Fai kiate koe ni sai mo ni amoga, o teki ki lou ua.

Selemia 43:9

Too i lou lima ni fa fatu lalasi, o fufu latou i mua o le kau Sutea, i le kelemea o le gutuumu fai piliki leia e tuu i le uluaga o le fale o Falaone, i Takepanese.

Gaoi 21:11

o au loa kia matou. Na too loa e ia le kilipipi o Paulo, o sai ki ona vae mo ona lima, o pati : Ko leinei le nea leia e fakasa e le Laumalie Maokioki : Ko le tagata leia o ona le kilipipi leinei, e saisai feneeki loa a ia e le kau Sutea i Selusalemi, ti e lotou tuku loa a ia ki lima o le kau pagani.

Epelo 1:1

I mua, na masau le Atua i ni temi kesekese ti mo ni fai kesekese ki otatou tamana i le kau polofeta,