Selemia 12:9 - Tosi Tapu

⁹ Na fai loku tofiga kiate au pe se manu lele kaikai, pe se lupo ; Koia e au ai loa a manu lele fekai fuli kiate ia mei potu fuli. Kotou ano, kotou tanaki mai a manu fuli o le vao, Kotou aumai latou, o tupu ke lotou kai a ia !

Selemia 12:9 ပူးပေါင်းရင်းမြစ်များ

Lua tosi o Sau 24:2

Koia na kakau ai loa e le Eteleno kia Sosakimi ni fa solia Kaletea, mo ni fa solia Silia, mo ni fa solia Moape, mo ni fa solia o vosa o Amone, ke au o taui Sosakimi ; na kakau mai latou e le Eteleno ke au o maumaui a Suta, o mulimuli ki le folafola leia na fakasa e le Eteleno i ana tagata fakasausau le kau polofeta.

Esaia 2:11

E tuku loa ki lalo le tagata fia nealasi, Ti e tuku loa ke taulalo leia e fia taualuga ; Kae e siki loa ki aluga le Eteleno toka tasi i le aso lena.

Esaia 2:12

Talie e i ai loa le aso o le Eteleno o kau tau Ki tagata fuli ala e fia taualuga mo fia nealasi, Kia latou fuli ala e fia malaga ki aluga, o tupu ke tuku latou ki lalo ;

Esaia 56:9

Koutou fuli, manu o faisaga, Kotou au o kai, koutou fuli, manu o le vao !

Selemia 15:3

E kau kakau mai loa kia latou a tautea e fa, e pati le Eteleno, Le seleta ke tamate ia latou, A kuli ke toso ia latou, A manu lele o le lagi mo manu o le kele Ke kai ia latou mo maumau ia latou.

Selemia 2:15

E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 34:20

E kau tuku loa latou ki lima o olatou fili, mo lima o latou ala e loto ki lolatou mauli, ti e liliu loa olatou tino ko le nea kai a manu lele o le lagi mo manu o le kele.

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Tagi laulau a Selemia 1:17

Na folasi e Sione ona lima, Kae na leaise fakapelepele a ia e se tasi ; Na kakau e le Eteleno kia Sakopo a fili i ona tafatafa ; Na fai Selusalemi pe se nea fakalialia i loto malie o latou.

Esekiele 34:5

Na lotou mavetevete talie na leaise lotou maua se tagata tausi ovi ; na lotou liliu ko le nea kai a manu fuli o le vao, koia na lotou mavetevete ai.

Apokalipisi 17:16

Ti ko tala e kau agafulu ala na ke tio ki ai ti mo le manu, e vesia loa ki le fafine fai feauaki, ti e lotou too loa ana nea fuli, kae lotou tuku telefua loa a ia ; ti e lotou kai loa ona kanofi, kae lotou tutu loa a ia i se afi.