Selemia 12:6 - Tosi Tapu

⁶ Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 12:6 ပူးပေါင်းရင်းမြစ်များ

Sopo 6:15

Kua fai kaka oku kaukaunea kiate au ofaipe se liua, Ofaipe se liua kua malo lona tafeaga.

Pesalemo 12:2

Eteleno, ke ke fakamauli ! talie kua pupuli latou e alofa ki le Atua, Kua lavaki a tagata agatonu i vosa o tagata.

Pesalemo 12:3

E feloiaki ala ki la, E maua i laugutu ni masau fakalapulapu, E masau i se loto fia nealasi.

Pesalemo 69:8

Talie ko koe leia e tupu ai laku amo ia le mele, Leia e tupu ai le uufi oku mata e le luma ;

Taagapati 23:8

E ke luluai loa le nea leia na ke kai, Ti e pupuli noa loa au masau malilie.

Taagapati 26:25

Ka too e ia se leo malu, aua na ke tui kiate ia, Talie e tuku a nea fakalialia e fitu i lona loto.

Esaia 31:4

Talie na folafola mai le Eteleno kiate au : E logo ai kua fakatasi le kau tausi ovi Ki se laione, pe ki se uviki laione leia e gugulu i lana nea kai, Talie e leaise i fua a ia ki alatou kalaga, Ti e leaise patipati fua a ia ki lolatou toka api ; E tatau foki mo le Eteleno o kau tau, e ifo loa a ia O tau i le mauga o Sione ti mo lona mauga ikiiki.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 11:21

Koia e folafola ai le Eteleno ki le kakai o Anatote, Ala e loto ki lou mauli, ti e pati : Aua na ke kikite i le suafa o le Eteleno, Pe ke mate loa i lomatou lima !

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Selemia 9:3

E lotou maua le alelo kita ofaipe se kalolo ti e lotou fana le loi ; E leaise lotou makeke i le fenua o tupu ko le maoki ; Talie e lotou ano mei le agaveli ki le agaveli, Ti e leaise lotou iloa au, e pati le Eteleno.

Selemia 9:4

Ke tasi nofo tokaga ki lona kaukau nea, Ti ke aua na fanaki ki se tasi o ona fetaina ; Talie e afa e fetaina fuli ke kaka, Ti e fakamafola e kaukau nea fuli ni fatufatu.

Selemia 9:5

E lotou feloiaki pe se fakamanogi, Ti e leaise lotou masau fua i se temi i le maoki ; E lotou ako olatou alelo ki le loi, E lotou tokaga ata ki le fai o le veli.

Mateo 10:21

E fakatau loa e le taina lona taina ki le mate, ti ko le tamana lana fanau ; e malaga loa a fanau ki olatou matua, o tamate latou.

Maleko 12:12

Na lotou afa ke too a ia, kae na lotou tuania ia le kakai. Na lotou matala loa na fakasa e Sesu le folafola fakatata lena kia latou. Ti na lotou mavae loa iate ia, o ano.

Soane 7:5

Talie na leaise tui foki ona fetaina kiate ia.

Gaoi 16:22

Ti na malaga loa le kakai kia latou ; ti na fakatotonu loa e le kau tui fakamaau ke too ola kofu, kae sasa laua ki ni laakau.

Gaoi 18:12

Kae i le pule a le kovana Loma ko Kalione i Akaia, na fakatasi loa le kau Sutea, o lotou too Paulo, ti na lotou taki loa a ia ki mua o le telepinale,