Selemia 12:4 - Tosi Tapu

⁴ E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 12:4 ပူးပေါင်းရင်းမြစ်များ

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 50:21

Ko lena le nea leia e ke fai, ti na kau fakaleemu. Na ke pati i lou loto e kau tatau mo koe ; Kae e kau valoki loa a koe, ti e kau tuku loa nea fuli ki ou mua.

Esaia 24:4

Kua mamae le fenua, ti kua gaegae a ia ; Kua mamae le kakai ti kua masamasaki ; Kua sala makeke a pule o le kakai.

Esaia 24:6

Koia kua kai le fenua e le malaia, Ti kua amo e lona kakai le tua o alatou agasala ; Koia e mamate ai a kakai o le fenua, Kae toe fua se ga toka teiki.

Selemia 12:11

E lotou fakaliliu a ia ko se toafa ; E mamae a ia, e tagi a ia i oku mua. Kua maumau le fenua katoa, Talie e leaise tokaga se tasi ki ai.

Selemia 14:2

Kua putu a Suta, Kua maumau ona kolo, Kua mata mamae a ia, Kua tonatona a ia ki le kele, Kua pale a tagi a Selusalemi o kaku ki le lagi.

Selemia 23:10

Talie kua apele le fenua i tono ; Kua mamae le fenua o tupu ko le malaia ; Kua malo a potu faisaga o le toafa. Kua lotou makape ki le veli, Kua lotou makeke ata ki le fai o le agasala.

Selemia 4:25

E kau tio, ti ko leinei, e leaise koi i ai se tagata ; Ti kua sosola a manu lele fuli o le lagi.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 5:13

Ko ana kau polofeta ko ni matagi ata, Ti e leaise masau se tasi ia latou. Ke fai kia latou le nea leia e lotou masau ki ai.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:9

Pe leaise kau tautea loa latou, o tupu ko nea ana ? e pati le Eteleno. Pe leaise kau totogi loa ki se puleaga felaaki ?

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Soele 1:18

Oi, kua fetagisi a manu ! Kua gagae a kau pipi Talie e leaise koi maua se mutie ; Ti kua fakaaloalofa foki a kau ovi.

Amosi 1:2

Na pati loa a ia : Mei Sione e gugulu le Eteleno, Mei Selusalemi e fakasa e ia lona leo. E tagi laulau a lotoa a le kau tausi manu, Ti kua malo le tumutumu o le Kalemelo.

Apakuki 3:17

Talie e leaise se loa le fiki, E leaise tuku loa e le vite se nea, E puli loa le fua o le oliveto, E leaise tuku loa e faisaga se nea kai ; E pupuli loa a ovi i fagaiaga mutie, Ti e leaise toe maua loa ni pipi i fale manu.

Sakalia 1:12

Ti na folafola loa le aselo o le Eteleno, o pati : Eteleno o kau tau, e kaku loa kiafea lau nofo e leaise ke alofa ki Selusalemi mo kolo o Suta, ala na ke sausaua ki ai talu mei fetuu e kau fitu ?

Loma 8:22

Kae e tou iloa, o kaku mai ki le aso nei, e e tagi ti mo mamae le malama nei katoa i mamae o le temi fai fanau.