Selemia 12:16 - Tosi Tapu

¹⁶ Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 12:16 ပူးပေါင်းရင်းမြစ်များ

Katiko o Katiko 1:8

Kapau e leaise ke iloa, e koe leia e fulumalie ake i fafine fuli, Muli i taga vae o ovi, Ti ke fagai au uviki koti I tafa o nofoaga o kau tausi manu.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 42:6

Ko au, le Eteleno, na kau kalagai a koe ki le fakamauli, Ti e kau too loa a koe i lou lima, E kau taupau loa a koe, ti e kau fakanofo loa a koe, Ke fakasoko ia laku sai mo le kakai, Ke liliu ko le malama o atu puleaga,

Esaia 45:23

E kau fakapapau iate au totonu, E ulu le maoki mei loku gutu, ti e leaise toe liliu loa ki muli laku masau : E peluki loa a tuli fuli i oku mua, Ti e fakapapau loa a alelo fuli iate au.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 18:8

Kae kapau e tafoki mai mei lana agaveli le puleaga lena na kau masau ki ai, E kau fakasemala loa ki le veli leia na kau manatu ke fai kiate ia.

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 5:2

Tatau aifai pe lotou pati : E mauli le Eteleno ! E lotou fai se fakamaoki loi.

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Selemia 6:16

E folafola le Eteleno, o pati : Kotou tutuu i ala, o tio, Ti kotou vesili pe kofea a ala afea, Pe kofea le ala malie ; kotou saele i ai, Ti e kotou maua loa le malolo o okoutou laumalie ! Kae e lotou tali : E leaise motou saele loa i ai.

Sofoni 1:5

Mo latou ala e punou i aluga o ato o fale i mua o le solia o le lagi, Mo latou ala e punou o fakapapau i le suafa o le Eteleno, Ti mo toe fakapapau foki i le igoa o lolatou sau ko Malekame,

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Loma 11:17

Kae kapau na tuuti ni iki o laa, ti kapau ko koe, leia na olive vao, kua fakapipiki a koe ki lolatou pikiaga, ti kapau kua ke kau ki le aka leia e fagai ia le oliveto,

Loma 14:11

Talie e tuu i le Tosi : E kau mauli, e pati le Aliki, Epeluki loa tuli fuli i oku mua, Ti e fakakololia loa alelo fuli ki le Atua.

Uluaki tosi ki le kau Kolinto 3:9

Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Lute 3:13

Nofo i leinei i le pouli. I apogipogi, kapau e loto loa a ia ke fai lona maua fakakaiga kiate koe, ti ke fai vave loa e ia ; kae kapau e leaise loto loa a ia ke fai e ia kiate koe lona maua fakakaiga, ti ko au, e kau fai loa a ia, e mauli le Eteleno ! Moe i lena o kaku ki le usu.