Selemia 12:12 - Tosi Tapu

¹² E au le kau maumau mei potu taualuga fuli o le toafa, Talie e kai e le seleta a le Eteleno le fenua mei le potu ki le potu ; E leaise tokamalie ki se tagata e toka tasi.

Selemia 12:12 ပူးပေါင်းရင်းမြစ်များ

Esaia 34:6

Kua apele le seleta a le Eteleno i le toto, ti kua piki i ai a gako Mo le toto o akeno mo koti, Ti mo gako o ifiifi o ovi tagata ; Talie e i ai ni vikitima a le Eteleno i Potesela, Ti mo se tamatea tagata lasi i le fenua o Etome.

Esaia 57:21

E leai se tokamalie ki le kau agaveli, e pati loku Atua.

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 16:5

Talie e folafola le Eteleno, o pati : Aua na ke ulu ki se fale o le putu, Aua na ke ano o tagi i ai, mo tagi laulau i ai mo latou ; Talie kua kau too loku tokamalie i le kakai lena, e pati le Eteleno, Mo loku agamalie ti mo loku manava alofa.

Selemia 25:11

E liliu loa le fenua katoa leinei ko se kele maumau, mo se toafa, ti e popula loa a puleaga ana ki le sau o Papilone i fetuu e kau fitu.

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Selemia 30:5

E folafola le Eteleno, o pati : E motou logo ki ni kalaga fakaii, Ko le malaia, kae e leaise ko le tokamalie.

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Selemia 4:27

Talie e folafola le Eteleno, o pati : E maumaui loa le fenua katoa ; Kae e leaise kau fai loa se maumau katoa.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Selemia 47:6

Oiau ! Seleta a le Eteleno, e ke manavanava loa afea ? Ulu ki lou tukuaga, taofi, malolo !

Selemia 48:2

Kua puli le kololia o Moape ; I Eseponi e fai ai ni fakakaukau veli kiate ia : Tou ano, tou fakapuli a ia i loto malie o atu puleaga ! Mo koe foki, Matemene, e maumaui loa a koe ; E tuli loa a koe e le seleta.

Selemia 8:15

Na tou amanaki malie ki le tokamalie, Kae e leaise soko fua se nea e malie kia tatou ; Ki se fakamauli, ti ko leinei, ko le nea fakaii !

Tagi laulau a Selemia 3:17

Kua ke too iate au le tokamalie ; E leaise koi kau iloa le fiafia.

Esekiele 14:17

Ti kapau na kau aumai loa le seleta ki le fenua leinei, ti kapau na kau pati loa : Ke ano le seleta i le fenua ! Ti kapau na kau tuuti loa i ai a tagata mo manu,

Esekiele 21:28

Kae na pati le kakai o Selusalemi e leaise aoga o le nea lena talie kua puipui latou e se fakapapau. Kae na manatui e le sau o Papilone lalatou agatuu, o fakasa kia latou e ave loa latou o popula.

Esekiele 21:4

Ti e tio loa tagata fuli ko au, le Eteleno, na kau tafu ia a ia, E leaise toe mate loa a ia.

Esekiele 21:8

E ke pati loa ki le fenua o Iselaele : E folafola le Eteleno, o pati : Ko leinei, e kau mamafa kiate koe, E kau tosoi loa laku seleta i lona ganea tuku, Ti e kau tuuti loa iate koe le tagata agatonu mo le tagata agaveli.

Esekiele 21:9

Talie e kau loto ke tuuti iate koe le tagata agatonu mo le tagata agaveli, E mavae loa laku seleta i lona tukuaga, O taai tagata fuli, I le potu saute ki le potu noleto.

Esekiele 5:2

Ke ke tutu loa le vaega e tasi i le afi, i loto malie o le kolo, mo ka oki loa a aso o le taui o le kolo ; ke ke too loa le tasi vaega, ti ke tuutuu loa a ia ki le matai tele i le takatakai katoa o le kolo ; ti ke laku loa le vaega fakaoki ke viligia i le matagi ; ti e kau too loa le seleta, o kapu ai latou.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Amosi 9:4

Kapau e lotou ano loa ki le popula i mua o olatou fili, E kau fakatotonu loa ki le seleta ke tamate latou i ai ; E kau fakaagaaga loa oku mata kia latou, Ke kau fai se veli kae leai se malie.

Sofoni 2:12

Ko koutou foki, kau Etiopia, E taai loa koutou e laku seleta.

Tetelonome 32:42

E kai loa e laku seleta olatou kanofi, Ti e kau fakainu loa aku gasau ke konana i lolatou toto, Io i le toto o le kau lavevea mo le kau popula.

Apokalipisi 6:4

Ti na sa mai loa se tasi ake a osi kula. Ko leia na eke i ai na tuku loa kiate ia le pule ke too ia le tokamalie i le malama nei, o tupu ke fetukipoaki a tagata ; ti na soli loa kiate ia se seleta lasi.