Selemia 12:10 - Tosi Tapu

¹⁰ E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 12:10 ပူးပေါင်းရင်းမြစ်များ

Esaia 3:14

Kua fakamaaui e le Eteleno A kau matua o lona kakai mo ona kau pule : Na kotou kai loku faisaga vite ! Ti na kotou fakaapele okoutou fale ki nea ala na kotou kaia i le kau mativa !

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Esaia 63:18

Na maua e lou kakai maokioki le fenua i se ga temi toetoe fua ; Na takatakafi e omatou fili lou sagatualio.

Selemia 23:1

Malaia ki tausi manu ala e maumaui ia mo fakamavete ia Le kau manu o loku lotoa ! e pati le Eteleno.

Selemia 25:37

Kua maumaui a nofoaga malolo E le sausau kaka o le Eteleno.

Selemia 25:38

Kua tiaki e ia lona nofoaga ofaipe le tiaki e le uviki laione o lona nofoaga ; Talie kua liliu lolatou fenua ko se toafa I nea fakalialia o le tau, Ti mo lona sausau lasi.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 3:19

Na kau pati : E kau loto ai ke kau fakasoko a koe ko le uluaki o aku fanau, Ti ke kau soli kiate koe se fenua malie, Le tofiga malie tukupau o atu puleaga. Na kau manatu : E ke pati mai loa kiate au : Loku tamana ! Ti e leaise ke toe tafoki loa iate au.

Selemia 39:3

Ti na au loa a kau pule fuli a le sau o Papilone, o nofo i le matapa i loto malie : ko Nekale-Saletesele, mo Samekale-Nepu, mo Salesekime, pule o le kau enuke, mo Nekale-Saletesele, pule o le kau masi, mo la ake kau pule fuli a le sau o Papilone.

Selemia 6:3

E saele kiate ia ni kau tausi manu mo alatou kau manu ; E lotou fakatuu olatou falela i ona tafatafa, E lotou tasi kai lona vaega.

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Esekiele 34:2

Vosa o le tagata, kikite ki le kau tausi manu o Iselaele ! kikite, o pati kia latou, ki le kau tausi manu : E folafola le Aliki, le Eteleno, o pati : Malaia ki le kau tausi manu o Iselaele, latou ala e fagai ia latou totonu ! Pe leaise tonu ke fagai e le kau tausi manu le kau manu ?

Esekiele 34:5

Na lotou mavetevete talie na leaise lotou maua se tagata tausi ovi ; na lotou liliu ko le nea kai a manu fuli o le vao, koia na lotou mavetevete ai.

Taniela 8:13

Na kau logo loa ki le masau a se aselo, ti na tali loa se tasi ake aselo ki leia na masau : Pe fualoa loa le temi leia e soko ai le tio ki le sakilifisio o aso taki tasi, mo le agasala o le tagata maumau ? Pe kaku loa kiafea le takatakafi o le sagatualio mo le solia o le lagi ?

Sakalia 7:14

Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Luka 21:14

Koia ke fakapapau okoutou loto, ke aua na kotou tuania pe feaki loa lakoutou tali ;

Apokalipisi 11:2

Kae ko le lotoa takatakai o le fale tapu, ke ke tuku kese a ia, aua na ke fuafua a ia ; talie kua tuku a ia ki kakai pagani, ti e lotou takatakafi loa le kolo tapu ki olatou vae i masina e kau fa tupu lua.