Selemia 12:1 - Tosi Tapu

¹ Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 12:1 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Esetalasi 9:15

Eteleno, Atua o Iselaele, e ke faitotonu, talie koi mauli ni iki o matou i le aso nei. Ko nei matou i ou mua ko ni tagata agasala, kae na leaise tonu ke motou tutuu i ou mua.

Neemia 9:33

Na ke faitotonu i nea fuli ala na soko kia matou, talie na ke agatonu kae na motou fai le nea leia e veli.

Sopo 12:6

E manuia le kau kaia i olatou falela, Ti e fimalie latou ala e fakatupu ia le sausau o le Atua, Mo latou fuli ala e atua ki lolatou makeke.

Sopo 13:3

Kae e kau fia masau ki le Mafimafi : E kau loto ke fai laku tagi i mua o le Atua.

Sopo 24:12

I kolo e logoi ai a tukumanava a latou ala kua vave fua le mate, Ti e tauvasa le laumalie o le kau lavelavea… Kae e leaise tokaga fua le Atua ki nea fakalialia ana !

Sopo 24:23

E soli e le Atua kia latou le fimalie mo le fanaki, Ti e leoleo e ia olatou ala.

Sopo 8:17

Ti e fakaogo e ia ona aka o kaku ki le fatu, Ti e ano a ia ki loto o le utu.

Pesalemo 116:5

E manava alofa le Eteleno mo faitotonu, E apele lotatou Atua i le loto alofa.

Pesalemo 119:137

E ke faitotonu, ei Eteleno ! Ti e maoki au fakamaauaga.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 145:17

E faitotonu le Eteleno i ona ala fuli, Ti e manava alofa a ia i ana gaoi fuli.

Pesalemo 37:1

A Tavite. Aua na ke ita ki tagata agaveli. Aua na ke finenonofo kia latou ala e fai ia le veli.

Pesalemo 37:35

Na kau tio ki le tagata agaveli i lona makeke katoa ; Na mafolafola a ia ofaipe se laakau sesega.

Pesalemo 51:4

Ke ke fufulu katoa au i laku agaveli, Ti ke ke fakamea au i laku agasala.

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Pesalemo 92:7

E leaise iloa e le tagata valea sana nea i ai, Ti e leaise tokaga fua ki ai le tagata sala atamai.

Taagapati 1:32

Talie ko le fakatutuu a le kau sala atamai e tamate ia latou, Ti ko le fakalotonoa a le kau vale e maumau ia latou ;

Ekelesiasi 8:14

Kae e soko foki i le malama nei e tatau le malaia o le tagata agatonu mo le kau agaveli, ti e tatau le manuia o le tagata agaveli mo le kau agatonu. E kau pati ko se tasi foki a ia vaiga.

Esaia 41:21

Kotou fai lakoutou tagi, E pati le Eteleno ; Kotou tuku mai akoutou fakamaoki, E pati le sau o Sakopo.

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Selemia 11:20

Kae ko le Eteleno o kau tau ko se tui fakamaau faitotonu, Leia e iloa ia o kaku ki ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Selemia 3:20

Kae na kotou kaka mai kiate au, fale o Iselaele, Ofaipe se fafine kaka leia na tiaki ia lona avaga, E pati le Eteleno.

Selemia 3:7

Na kau pati loa : E tafoki mai loa a ia kiate au, i le oki o lana fai o nea fuli ana. Kae na leaise tafoki mai a ia kiate au. Ti na fakamaoki ki ai lona taina kaka ko Suta.

Selemia 32:16

I le oki o laku tuku le pepa fakamaoki kia Paluke, vosa o Nelisa, na kau fai loa le kole leinei ki le Eteleno :

Selemia 5:11

O tupu na agatuu kiate au le fale o Iselaele mo le fale o Suta, E pati le Eteleno.

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Tagi laulau a Selemia 1:18

E faitotonu le Eteleno, Talie na kau agatuu ki ana fakatotonu. Kotou fakalogo mai, koutou fuli, atu kakai, ti kotou tio ki loku mamae ! Kua ano ki le popula oku taineliki taupoou mo oku tama tupulaga.

Esekiele 18:25

E kotou pati : E leaise sako le ala o le Aliki. Koia ke kotou fakalogo mai, fale o Iselaele ! Pe ko loku ala leia e leaise sako ? Pe leaise ko okoutou ala ala e leaise sako ?

Taniela 9:14

Koia kua taupau ai e le Eteleno le malaia lena, o kakau mai kia matou ; talie e faitotonu le Eteleno, lomatou Atua, i nea fuli ala na fai e ia, kae na leaise motou fakalogo ki lona leo.

Taniela 9:7

A au, Aliki, le faitotonu, kae a matou le luma i le aso nei, a tagata o Suta, mo le kakai o Selusalemi, ti mo Iselaele katoa, latou ala e nofo feofi mo latou ala e nofo mamao, i fenua fuli ala kua ke kapu latou ki ai, o tupu ko agatuu fuli ala na lotou agasala ai kiate koe.

Oseo 6:7

Kua lotou maumaui laku sai ofaipe la ake tagata ; Koia leia kua lotou agatuu ai kiate au.

Apakuki 1:4

Koia e leaise koi mauli ai le lao, E leaise koi makeke ai le faitotonu : Talie kua malo le tagata agaveli i le tagata faitotonu, Ti kua salasala a fakamaau.

Sofoni 3:5

Kae e faitotonu le Eteleno i loto malie o ia, E leaise fai e ia se nea e veli ; I usu fuli e fakasa e ia ki le malama ana fakamaauaga, Ti e leaise toe faisala a ia i le nea lena ; Kae ko leia e agaveli e leaise iloa ia le luma.

Malakia 2:17

E kotou fakapakia le Eteleno ki akoutou masau, Ti e kotou pati : kolea le nea na motou fakapakia ai a ia ? Se tupu na kotou pati : Ko leia e fai ia le veli e malie ki mata o le Eteleno, Ti e fiafia a ia i le tagata lena ! Pe kotou pati : Kofea le Atua o le faitotonu ?

Malakia 3:15

I le temi nei e motou pati : e manuia ake latou ala e fia taualuga ; Io, e mou koloa ake latou ala e agaveli. Io, e lotou asiasii le Atua, ti e lotou saosaoa !

Tetelonome 32:4

Ko le Utu a ia ; e malie tukupau ana gaoi, Talie e agatonu ona ala fuli, Ko se Atua agatonu mo faitotonu a ia, E apele a ia i le agatonu mo le maokioki.