Selemia 11:6 - Tosi Tapu

⁶ Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Selemia 11:6 ပူးပေါင်းရင်းမြစ်များ

Pesalemo 15:5

E leaise afa e ia se tupu o lana paaga, Ti e leaise tali e ia se nea alofa ki leia e mea. Ko leia e fai fenaaki, e leaise toe siga a ia i se aso.

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 7:2

Tuu i le matapa o le fale o le Eteleno, Ti ke fakasa le folafola leinei, Ti ke pati : Kotou fakalogo mai ki le folafola a le Eteleno, Koutou fuli, tagata o Suta, ala e ulu i matapa anei, Ke atolasio ki le Eteleno !

Sakalia 7:7

Pe leaise kotou iloa a folafola ala na fakasa e le Eteleno i ana kau polofeta mua, i le temi leia na nofoi ai mo fimalie ai Selusalemi mo ona kolo liliki fuli, ti na nofoi ai foki mo le potu saute mo le potu toafa o le fenua ?

Soane 13:17

Kapau e kotou iloa a nea ana, e kotou manuia, kese fua ke kotou fai latou.

Loma 2:13

Talie e leaise ko latou ala e fakalogo ki le lao e faitotonu i mua o le Atua, kae ko latou ala e fai ia le lao e faitotonu.

Tetelonome 4:1

I le aso nei, ei Iselaele, fakalogo ki lao mo fakatotonu e kau ako kia koutou. Kotou tausi latou, o tupu ke kotou mauli loa ti ke kotou ulu loa o maua le fenua leia e soli kia koutou e le Eteleno, ko le Atua o okoutou tamana.

Tetelonome 4:5

Ko leinei, kua kau ako kia koutou ni lao mo ni fakatotonu, o mulimuli ki le nea leia na fakatotonu mai kiate au e le Eteleno, loku Atua, o tupu ke kotou tausi latou i le fenua leia ka kotou ulu loa ki ai, o too ma koutou.

Sakopo 1:22

Kotou fai le folafola, kae aua fai na gato i lakotou logo ki ai, o kotou kakai ai koutou totonu ki ni fakakaukau sala.