Selemia 11:20 - Tosi Tapu

²⁰ Kae ko le Eteleno o kau tau ko se tui fakamaau faitotonu, Leia e iloa ia o kaku ki ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Selemia 11:20 ပူးပေါင်းရင်းမြစ်များ

Senesi 18:25

E leaise feala ke ke tamate le tagata agatonu mo le tagata agasala, o sakinake e ke fakatatau loa le tagata agatonu mo le tagata agasala : Ke mamao iate koe le fai lena ! Ke mamao ai iate koe ! Ko Leia e fakamaau ia le malama nei katoa pe leaise mulimuli a ia ki le faitotonu ?

Lua tosi o Sau 19:14

Na too loa e Esekiasi le tosi mei lima o tagata avelogo, o lau. Ti na pale loa a ia ki le fale tapu o le Eteleno, o folasi le tosi i mua o le Eteleno,

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Sopo 5:8

Kana ko au ko koe, e kau masau loa ki le Atua, Ti ko ia totonu loa leia e kau fakasa loa ki ai loku anoaga.

Pesalemo 139:23

Ke ke tilo au, ei Atua, ti ke ke iloa loku loto ! Ke ke asiasii au, ti ke ke iloa aku manatu !

Pesalemo 35:2

Ke ke too le paletau ikiiki mo le paletau lasi, Ti ke ke tuu ki aluga o saofaki au !

Pesalemo 43:1

Ke ke tuku mai kiate au loku faitotonu, ei Atua, ke ke puipui au i se puleaga lee agatonu ! Ke ke saofaki au i ni tagata kaka mo agaveveli !

Pesalemo 57:1

Ki le pule o le kau sua. Aua na ke maumaui. Pesalemo a Tavite. I lana sola ki le ana, o tupu ko lona tuli e Saulo.

Pesalemo 58:10

I mua o le sauga o le afi na tafu ki se laakau talatala i akoutou kulo, Pe mata pe ulaula, e ave loa a ia e le asesio.

Pesalemo 7:10

Fakagato le kaka a le kau agaveli ! Kae fakatuu ke makeke le tagata agatonu, Atua faitotonu, a koe leia e ului ia a mafu mo ifiifi !

Pesalemo 7:8

Ke takatakai a koe e le fakatasiga a atu puleaga ! Pale ki aluga, ki ganea taualuga !

Pesalemo 7:9

E fakamaau e le Eteleno a atu puleaga : Fakamaau au, Eteleno, o mulimuli ki le faitotonu, O mulimuli ki loku maokioki mo loku mea !

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 12:3

Kae ko koe, Eteleno, e ke iloa au ; E ke tio kiate au, e ke ului loku loto leia e nofo mo koe. Too latou ofaipe ni ovi ala e tonu ke tamate, Ti ke teuteu latou ki le aso tamatea lasi !

Selemia 15:15

Ei Eteleno, e ke iloa nea fuli, manatui au, aua na ke galoi au, Tautea latou ala e fakaveliveli mai kiate au ! Aua na ke too au, o tupu ko lou kataki fualoa ! E ke iloa e kau tali le nukinuki o tupu ko koe.

Selemia 17:10

Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 20:12

E asiasii e le Eteleno o kau tau le tagata agatonu, E ului e ia a ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Tagi laulau a Selemia 3:58

Aliki, na ke saofaki loku laumalie, Na ke totogi loku mauli.

Tagi laulau a Selemia 3:59

Eteleno, kua ke tio ki loku fakamamae : Tuku mai kiate au o mulimuli ki loku faitotonu !

Tagi laulau a Selemia 3:64

Ei Eteleno, tuku kia latou se totogi O mulimuli ki le gaoi o olatou lima ;

Esekiele 11:5

Ti na ulu loa le Laumalie o le Eteleno kiate au. Ti na pati mai loa a ia kiate au : Pati : Ko leinei le folafola a le Eteleno : E kotou masau fenaaki, fale o Iselaele ! Ti ko le nea leia e pale ake i okoutou fakakaukau e kau iloa malie a ia.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Filipe 4:6

Aua na kotou tokaga mamae ki se nea e tasi, kae kotou fakasa ki le Atua a nea ala e aoga kia koutou i ni kole, mo ni kolekole, ti mo ni fakafetai,

Lua tosi kia Timoteo 4:14

Ko Alesatelo, le tagata gaoi ukamea, na fai nea veli lasi kiate au. E liufaki loa e le Aliki kiate ia o fakatatau ki ana gaoi.

Uluaki tosi a Petelo 2:23

a ia leia na nukinukii, kae na leaise tali fua a ia ki se nukinuki, ti na fakavelivelii kae na leaise fai e ia se tali fakamakeke, kae na fakalogo fai a ia ki leia e fakamaaui i le faitotonu ;

Apokalipisi 18:20

Lagi, ke ke fiafia kiate ia ! Ti ko koutou, kau sagato, mo kau apositolo, ti mo kau polofeta, ke kotou fiafia foki mo koutou ! Talie kua fakamaaui a ia e le Atua o tupu ko le veli katoa leia na fai e ia kia koutou.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.

Uluaki tosi a Samuele 24:15

Ko ai leia e saele ki ai le sau o Iselaele ? Ko ai leia e tuli e ia ? Ko se kuli mate, se fa kutu !