Selemia 11:11 - Tosi Tapu

¹¹ Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 11:11 ပူးပေါင်းရင်းမြစ်များ

Lua tosi o Sau 22:16

Ko leinei le folafola a le Eteleno : E kau aumai loa le malaia ki le ganea leinei mo lona kakai, o mulimuli ki folafola fuli o le tosi leia na lau e le sau o Suta.

Lua tosi o Koloniko 34:24

Ko leinei le folafola a le Eteleno : Ka kau fakavilo ia loa ni malaia ki le ganea leinei mo lona kakai, a malaia fuli ala e tuu i le tosi leia na lau i mua o le sau o Suta.

Sopo 35:13

E maumau noa le tagi, e leaise logo le Atua, Ti e leaise tokaga le Mafimafi.

Pesalemo 18:41

E ke fakasosola oku fili i oku mua, Ti e kau tapono a gutu o latou ala e vesia kiate au.

Pesalemo 66:18

Ka na kau fai ni manatu veveli i loku loto, Na leaise tali loa e le Aliki laku kole.

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 1:15

Ka kotou falo mai okoutou lima, e kau fulusi kese oku mata ia koutou ; Ka kotou liuliuga a faikole, e leaise kau fakalogo atu kia koutou : E apele okoutou lima i le toto.

Esaia 24:17

Ko le i, mo le popoko, ti mo le masele, Kua vilo kiate koe, kakai o le fenua !

Selemia 11:14

Ti ko koe, aua na ke ulufaki le kakai leinei, Aua na ke fai kia latou se tagi mo se kole ; Talie e leaise kau fakalogo loa kia latou, Mo ka e lotou kalaga mai loa kiate au o tupu ko lolatou malaia.

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 14:12

Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 14:2

Kua putu a Suta, Kua maumau ona kolo, Kua mata mamae a ia, Kua tonatona a ia ki le kele, Kua pale a tagi a Selusalemi o kaku ki le lagi.

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 18:11

Masau i le aso nei ki tagata o Suta ti mo le kakai o Selusalemi, o pati : E folafola le Eteleno, o pati : Ko leinei, e kau teuteu kia koutou se malaia, E kau Fakakaukau se fakatuutuu kia koutou. Ke tasi tafoki mai le tagata mei lona ala veli ! Kotou fai ke malilie okoutou ala mo akoutou gaoi !

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 19:3

E ke pati loa : Kotou fakalogo ki le folafola a le Eteleno, sau o Suta, mo koutou, kakai o Selusalemi ! E folafola le Eteleno o kau tau, le Atua o Iselaele, o pati : Ko leinei, e kau aumai loa ki le ganea leinei se malaia, Leia e gugulu loa ki taliga o latou ala e logo loa ki ai.

Selemia 23:12

Koia e liliu ai loa lolatou ala o sekeseke mo fakapouli, E tule loa latou, ti e lotou sisiga loa. Talie e kau aumai loa kia latou le malaia, I le fetuu leia e kau tautea ai loa latou, e pati le Eteleno.

Selemia 25:35

E leaise toe maua loa se mumuniaga ki le kau tausi manu, Ti e leaise toe maua loa se saofakiaga ki le kau takitaki o kau manu !

Selemia 35:17

Koia e folafola le Eteleno, le Atua o kau tau, le Atua o Iselaele, o pati : Ko leinei, e kau kakau mai loa ki Suta mo le kakai katoa o Selusalemi a malaia fuli ala kua kau fakasa kia latou, talie kua kau masau kia latou kae na leaise lotou fakalogo, ti kua kau kalaga kia latou kae na leaise lotou tali.

Selemia 36:31

E kau tautea loa a ia mo lona sakoga, mo ana kau tagata fakasausau, o tupu ko alatou agaveli, ti e kau aumai loa kia latou, mo le kakai o Selusalemi, mo tagata o Suta, a malaia fuli ala kua kau fakasa kia latou, kae na leaise lotou fia fakalogo kiate au.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Tagi laulau a Selemia 2:22

Na ke kalagai kiate au mei potu fuli oku fili, ofaipe se aso lasi. I le aso o le sausau o le Eteleno, na leaise sao pe mauli se fa toka tasi. Ko latou ala na kau tokaga ki ai ti na kau taupau Na tamate latou e loku fili.

Esekiele 14:3

Vosa o le tagata, kua amo e le kau tagata lena olatou taulaatua i olatou loto, ti kua pipiki olatou mata ki le nea leia na fakavilo ia latou ki le veli. Pe e kau tuku loa ke lotou afa mai se nea kiate au ?

Esekiele 7:5

Koia e folafola ai le Aliki, le Eteleno : Ko se malaia, ko se malaia e tasi ! Ko leinei, e au a ia !

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.