Selemia 10:9 - Tosi Tapu

⁹ E aumai mei Talesisi ni laui siliva, ti mei Ufasi se aulo. E fau latou e le tagata gaoi ti mo le lima o le tagata gaoi ukamea. Ko kofu o atua ana ko ni kie na pena usi ti na pena kula, Ko le gaoiaga fuli latou a ni tagata popoto.

Selemia 10:9 ပူးပေါင်းရင်းမြစ်များ

Uluaki tosi o Sau 10:22

Talie na maua e le sau ni vaka i le tai ala na ano ki Talesisi mo vaka o Ilame ; ti na toe liliu mai loa a vaka mei Talesisi i fetuu tolu fuli, mo ni uta ko aulo, mo siliva, mo lei, mo geli, ti mo manu lele fulumalilie.

Lua tosi o Koloniko 9:21

Talie na ano ni folau a le sau ki Talesisi o fakatasi mo tagata fakasausau a Ilame ; ti na au tua tasi i fetuu e tolu mei Talesisi ni vaka kua apele i le aulo, mo le siliva, mo le lei, mo ni geli, ti mo ni manu lele.

Pesalemo 115:4

Ko taulaatua o atu puleaga ko le aulo mo le paaga, Ko gaoiaga latou o le lima o le tagata.

Pesalemo 72:10

E totogi loa e sau o Talesisi mo sau o atu motu ni tukusau ; Ti e fai loa e sau o Sepa mo Sapa ni moliga.

Esaia 23:6

Kotou fakalaka ki Talesisi, Kotou tagi laulau, koutou ko kakai o le mata tai !

Esaia 40:19

Ko se tagata tufuga leia e saka ia le ukamea o le fakatata, Ti ko se tagata gaoi ukamea leia e kofu ia le taulaatua ki le aulo, Ti e fakapipiki ia ki ai ni tini siliva.

Esekiele 27:12

Na fai koloa mo koe le kakai o Talesisi, O tupu ko le lasi o ou koloa. Na lotou totogi ou koloa Ki le paaga, mo le ukamea, mo le etani, mo le pulu.

Esekiele 27:7

Na fai ou la mo ou manumanu Ki le kie tea fakamailoga o Esipito ; Na fai ou puipui Ki ni kie na pena usi mo kula mei atu motu o Sipele.

Taniela 10:5

Ti na tio loa oku mata ki aluga, ti na kau tio loa, ti ko leinei, na i ai se tagata kua teu ki se kofu tea, ti na nonoa i ona vakavaka se kilii pipi aulo mei Ufasi.

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Sonasi 1:3

Kae na tuu ake loa Sonasi, ke sola ki Talesisi, o mamao mei mata o le Eteleno. Na ifo loa a ia ki Safo, ti na maua loa e ia i ai se vaka leia na teuteu folau ki Talesisi ; ti na totogi loa e ia lona tosi folau, ti na eke loa a ia ke ano mo le kau folau ki Talesisi, o mamao mei mata o le Eteleno.

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.