Selemia 10:5 - Tosi Tapu

⁵ E fai a atua ana pe se pou fualasi, ti e leaise lotou masau fua ; E amo latou, talie e leaise mafai ke lotou saele. Aua na kotou i kia latou, talie e leaise lotou poto fua i le fai o se nea veli e tasi, Ti e leaise lotou mafai ia fua le fai o se nea malie.

Selemia 10:5 ပူးပေါင်းရင်းမြစ်များ

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Lua tosi o Koloniko 25:15

Koia na sausaua loa le Eteleno kia Amatesia, ti na kakau loa e ia kia Amatesia se polofeta ke pati kiate ia : Kolea na ke toe afa ai a atua o le kakai lena, kae na leaise mafai ke lotou saofaki lolatou kakai mei lou lima ?

Esaia 16:12

E tio loa ki le sela a Moape o pale ki ona ganea taualuga ; Kua ulu a ia ki lona sagatualio o faikole, kae e leaise mafai ke maua e ia se nea.

Esaia 45:20

Kotou fakatasi ti kotou au, kotou fakafeofi fakatasi mai, Koutou ala na sao i atu puleaga ! E leaise lotou maua ia se atamai, latou ala e amo ia olatou taulaatua laakau, Ala e faikole ki se atua leia e leaise mafai ke fakamauli ia latou.

Esaia 46:1

Kua fakapulou a Pele, ti kua vilo a Nepo. Kua teki ola fakatata ki ni manu, ki ni pipi ; Kua amo laua pe se kavega, ti kua mafaia ai a manu ti kua lotou gaegae foki.

Esaia 46:7

E lotou amo a ia, ti e lotou teki a ia ki olatou tuauma ; E lotou fakatuu a ia ki lona tuuaga, ti e nofo a ia i ai ; E leaise taugaoi a ia i lona tuuaga ; Ti e lotou kalaga ki ai, kae e leaise tali a ia, E leaise fakamauli e ia i le mamae.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.

Uluaki tosi ki le kau Kolinto 12:2

E kotou iloa, i lakotou koi nofo i le pagani, na kotou tuku koutou ke ave ki ni taulaatua gutu mate, ti na taki koutou e latou.

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Tetelonome 4:28

I lena, e kotou tausi loa ki ni atua, ko gaoiaga o lima o le tagata, ko ni potu laakau mo ni fatu, ala e leaise feala ke tio, mo logo, mo kai, mo nanamu.