Selemia 10:4 - Tosi Tapu

⁴ E fakafulumalie a ia ki le siliva mo le aulo, E fakamaumau a ia ki le amale mo ni fao Ke aua na taugaoi a ia.

Selemia 10:4 ပူးပေါင်းရင်းမြစ်များ

Pesalemo 115:4

Ko taulaatua o atu puleaga ko le aulo mo le paaga, Ko gaoiaga latou o le lima o le tagata.

Pesalemo 135:15

Ko taulaatua o atu puleaga ko le siliva mo le aulo Ko gaoiaga latou o lima o le tagata.

Esaia 44:12

E fai e le tagata gaoi ukamea se toki, E gaoi a ia mo ni malala, Ti e ta e ia ki le amale ; E gaoi a ia ki le makeke o lona lima ; Kae ka fia kai a ia, ti ko lena kua oki lona makeke ! Ti ka e leaise inu a ia, ti ko lena kua gaegae a ia !

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Esaia 46:7

E lotou amo a ia, ti e lotou teki a ia ki olatou tuauma ; E lotou fakatuu a ia ki lona tuuaga, ti e nofo a ia i ai ; E leaise taugaoi a ia i lona tuuaga ; Ti e lotou kalaga ki ai, kae e leaise tali a ia, E leaise fakamauli e ia i le mamae.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Apakuki 2:19

Malaia ki leia e pati ki le laakau : Tuu ki aluga ! Ki se fa fatu gutu mate : Alaala ! Pe fakasa loa e ia se nea ? Ko leinei, e teuteui a ia ki le aulo mo le siliva, Kae e leaise maua iate ia se laumalie leia e fakamauli ia a ia.