Selemia 10:21 - Tosi Tapu

²¹ Na ulu valea le kau tausi manu, Na leaise lotou afa le Eteleno. Koia leia na leaise lotou manuia ai, Ti na mavetevete ai alatou kau manu.

Selemia 10:21 ပူးပေါင်းရင်းမြစ်များ

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 22:30

E folafola le Eteleno, o pati : Kotou tosi le tagata leinei e sala fanau, Ofaipe leia e leaise manuia loa i lona mauli, Talie e leaise mafai loa e se tasi o lona sakoga Ke eke i le ekeekeaga fakasau o Tavite, O pule i Suta.

Selemia 49:32

E kaia loa alatou kamelo, E ave loa alatou kau manu ; E kau fakamavetevete loa latou i potu fuli, latou ala e tele ia a ma o le kaukava, Ti e kau aumai loa kia latou le maumau mei potu fuli, e pati le Eteleno.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Esekiele 34:12

E kau tokaga loa o tanaki laku kau ovi ofaipe le fai a se tagata tausi manu mo ka tio a ia kua mavete katoa lana kau manu. E kau ano loa o afa mai aku ovi i ganea fuli ala na fakamavete latou ki ai, i le aso veli mo fakapouli.

Sakalia 10:3

Kua ula loku sausau ki le kau tausi manu, Ti e kau tautea loa a ovi tagata ; Talie kua fakatele le Eteleno o kau tau ki lana kau manu, le fale o Suta, Ti kua fakaliliu e ia a ia ko lana osi fakakololia i le tau ;

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.