Selemia 10:19 - Tosi Tapu

¹⁹ Malaia kiate au ! kua kau fatifati ! E mamae loku lavea ! Kae e kau pati : ko malaia leia e soko mai kiate au, E kau ma kataki loa a ia !

Selemia 10:19 ပူးပေါင်းရင်းမြစ်များ

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Pesalemo 77:10

Pe kua galo loa i le Atua ke alofa kia tatou ? Pe kua too loa e ia i lona sausau lona manava alofa ? - Manava.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 14:7

Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 4:19

Oi loku manava, oi loku manava ! E kau mamae i loku mafu. Kua ta vave loku mafu, e leaise koi mafai laku fakalologo ; O tupu kua ke logo, ei loku laumalie, ki le pupusi o le fakatagi, Ki le kalaga o le tau.

Selemia 4:31

Talie e kau logo ki ni tagi ofaipe ni tagi i le mamae a se fafine e lolotoga gaoi, Ni tagi o le mamae ofaipe se uluaki fanau. Ko le leo o le taine o Sione ; e tukumanava a ia, e siki e ia ona lima, O pati : Malaia kiate au ! E gaegae loku laumalie o tupu ko le kau tukipo !

Selemia 8:21

Kua kau fati i le mamae o le taine o loku kakai, Kua kau nofo i le mamae, kua kau maua e se i lasi ai.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 3:48

E tafe ni vaitafe mei oku mata, O tupu ko le maumaui o le taine o loku kakai.

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.