Selemia 10:18 - Tosi Tapu

¹⁸ Talie e folafola le Eteleno, o pati : Ko leinei, i le faiaga leinei e kau ti loa ki mamao latou e nonofo i le fenua ; E kau fakamamae loa latou, o tupu ke lotou maemaeia.

Selemia 10:18 ပူးပေါင်းရင်းမြစ်များ

Esaia 22:17

Ko leinei, e ti loa a koe e le Eteleno ki mamao ; Ti e takatakai loa e ia a koe ofaipe se fa taula,

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Selemia 22:26

E kau ti loa a koe, a koe mo lou tinana leia na fanaui ia a koe, Ki se tasi ake fenua leia na leaise kolua tupu ai, Ti e kolua mamate loa i ai.

Selemia 23:20

E leaise toe fimalie loa le sausau o le Eteleno, O kaku ki le oki o lana fakasoko, mo lana fai a fakatuutuu o lona loto. E kotou matala loa ki ai i temi ki muli.

Esekiele 6:10

Ti e lotou iloa loa ko au ko le Eteleno, Ti na leaise valoki noa latou, Ke kakau kia latou a malaia fuli ana.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.

Uluaki tosi a Samuele 25:29

Kapau kua malaga se tagata o tuli a koe ti mo loto ki lou mauli, e puipui tuumau loa le laumalie o loku aliki e le Eteleno, lou Atua, i ona tafa, kae tiaki loa e ia ki mamao, ofaipe se kalolo, le mauli o ou fili.