Selemia 10:16 - Tosi Tapu

¹⁶ E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 10:16 ပူးပေါင်းရင်းမြစ်များ

Pesalemo 119:57

Ko loku vaega, ei Eteleno, e kau fakasa : Ko le tausi o au folafola.

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 142:5

Tagaki ou mata ki le fetuu atamai, o tio ! E leaise iloa au e se tasi, Kua puli a mumuniaga fuli kiate au, E leaise tokaga se tasi ki loku laumalie.

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 73:26

E feala ke gaegae loku tino mo loku loto : Kae ko le utu o loku loto mo loku vaega ko le Atua, o lee gato.

Pesalemo 74:2

Manatui lou kakai leia na ke totogi i mua ; Manatui a faasiga ala na ke totogi ko lou tofiga ! Manatui le mauga o Sione, leia na ke fai ai lou nofoaga ;

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Esaia 19:25

E tapuaki loa le Eteleno o kau tau kia latou, o pati : Ke manuia Esipito, loku kakai, Ti mo Asilia, le gaoiaga o oku lima, Ti mo Iselaele, loku tofiga !

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Esaia 47:4

Ko lomatou fakamauli, ko leia e igoa ko le Eteleno o kau tau, Ko le Sagato o Iselaele.

Esaia 47:6

Na kau ita ki loku kakai, Ti na kau fakakelekele loku tofiga ; Ti na kau tuku latou ki ou lima : Kae na leaise ke maua fua kia latou se manava alofa, Ti na ke fakamamafa lau laakau ki le matua.

Esaia 51:15

Ko au ko le Eteleno, lou Atua, Leia e lagai ia le tai ti na fakagugulu ia ona galu. Ko lona igoa ko le Eteleno o kau tau.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 10:6

E leaise tasi e tatau mo koe, Eteleno ! E ke lasi, ti e lasi lou suafa o tupu ko lou mafimafi.

Selemia 31:35

E folafola le Eteleno, leia na fakatupu ia le laa ke fakamalama ia le ao, Leia na fakatuutuu ia le masina mo fetuu ke fakamalama ia le pouli, Leia e fakamalagalaga ia le tai ti e fakagugulu ia ona galu, Leia e igoa ko le Eteleno o kau tau :

Selemia 32:18

E ke manava alofa o kaku ki le tautupu afe, Ti e ke tautea le agaveli a tamana ki fatafata o alotou fanau ala e mulimuli ia latou. Ko koe ko le Atua lasi, le mafimafi, Leia e igoa ko le Eteleno o kau tau.

Selemia 33:2

E folafola le Eteleno, leia e fai ia a nea ana, Le Eteleno, leia e fakakaukau ia latou ti e fakasoko ia latou, Leia e igoa ko le Eteleno :

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 50:34

Kae e makeke leia e totogi ia latou, Leia e igoa ko le Eteleno o kau tau. E puipui loa e ia lolatou mauli, O tupu ke tuku le malolo ki le fenua Ti ke lulu le kakai o Papilone.

Selemia 51:19

Kae e leaise tatau mo latou le vaega o Sakopo ; Talie ko ia leia na fau ia nea fuli, Ti ko Iselaele ko le kakai o lona tofiga. Ko le Eteleno o kau tau ko lona suafa.

Tagi laulau a Selemia 3:24

E pati loku laumalie : Ko le Eteleno ko loku vaega, Koia e kau fia amanaki malie ai kiate ia.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.