Selemia 10:13 - Tosi Tapu

¹³ I lona leo, e gugulu a vai i atu lagi, E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona koloa fufu.

Selemia 10:13 ပူးပေါင်းရင်းမြစ်များ

Senesi 2:5

I le fakatupu e le Eteleno o le kele mo le lagi, na leaise somo se laakau ikiiki o le vao i le kele, ti na leaise sa se mutie i aluga o le kele : talie na leikiaise tuku e le Eteleno Atua se ua ke to ki le kele, ti na leikiaise maua se tagata ke gaoi ki le kele.

Uluaki tosi o Sau 18:41

Ti na pati loa Elia kia Akapo : Pale, o kai mo inu ; talie e kau logo ki le logoa o le ua.

Sopo 38:22

Pe kua ke ano o kaku ki le ganea leia e tanaki ai le nive ? Pe kua ke tio ki le tanakiaga o fuai aisi,

Pesalemo 104:13

Mei lona nofoaga taualuga, e fakavai e ia a mauga ; E makona le kele i le fua o au gaoi.

Pesalemo 135:17

E lotou maua ni taliga kae e leaise lotou logo fua ; E leaise lotou maua fua se tukumanava i lolatou gutu.

Pesalemo 135:7

E fakapale ake e ia ki aluga a ao i potupotu o le malama nei ; E fakatupu e ia a uila mo le ua ; E too e ia le matagi mei ona koloa fufu.

Pesalemo 147:8

E kofu e ia le lagi ki ao ; E teuteu e ia le ua ki le kele ; E fakasosomo e ia le vao i aluga o mauga.

Pesalemo 18:13

I le ao gigila leia na ano i ona mua, na mavae ai ni ao, O laku se ua aisi, mo ni malala kaka.

Pesalemo 68:33

Puleaga o le malama nei, kotou sua ki le Atua, Kotou fakafetai ki le Aliki ! - Manava.

Ekesote 9:23

Na siki loa e Moisese lona tokotoko ki le lagi, ti na tuku loa e le Eteleno ni mana mo se ua fatu ; ti na taka loa le afi i aluga o le fenua. Na fakato loa e le Eteleno se ua fatu ki le fenua o Esipito.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 19:12

E pati le Eteleno : E kau fai fenaaki loa ki le ganea leinei, ti mo lona kakai, Ti e kau fakaliliu loa le kolo leinei ke tatau mo Tofete.

Selemia 5:24

E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Selemia 51:16

I lona leo, e gugulu a vai i le atu lagi ; E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona fale koloa.

Amosi 4:13

Talie ko leinei leia na fau ia a mauga ti na fakatupu ia le matagi, Leia e fakasa ia ki le tagata ana manatu, Leia e fetogi ia le mafoata o fakapouli, Ti e saele i potu taualuga o le kele : Ko lona igoa ko le Eteleno, le Atua o kau tau.

Sakalia 10:1

Kotou kole ki le Eteleno le ua, le ua o le temi mafana ! E fakatupu loa e le Eteleno ni uila, Ti e tuku atu loa e ia kia koutou se ua lasi. E soli loa e ia ki le tagata taki toka tasi ni mouku i lana faisaga.