Selemia 10:12 - Tosi Tapu

¹² Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 10:12 ပူးပေါင်းရင်းမြစ်များ

Senesi 1:1

I le kamataaga, na fakatupu loa e le Atua le lagi mo le kele.

Senesi 2:5

I le fakatupu e le Eteleno o le kele mo le lagi, na leaise somo se laakau ikiiki o le vao i le kele, ti na leaise sa se mutie i aluga o le kele : talie na leikiaise tuku e le Eteleno Atua se ua ke to ki le kele, ti na leikiaise maua se tagata ke gaoi ki le kele.

Uluaki tosi o Koloniko 16:26

Talie ko atua fuli o kakai ko ni taulaatua, Ti na fai e le Eteleno le lagi.

Sopo 26:7

E folasi e ia le potu noleto o le lagi i aluga o le aele noa, Ti e tautau e ia le kele i aluga o le aele noa.

Sopo 37:18

Pe ke mafai ia le folasi o le lagi ofaipe ia, Ke fefeka ofaipe se tiloata ukamea na saka ?

Sopo 9:8

Ko ia toka tasi leia na folasi ia le lagi, Ti e saele a ia i aluga o galu o le tai.

Pesalemo 104:2

E kofu e ia le malama ofaipe se taupulupulu ; E folasi e ia le lagi ofaipe se falela.

Pesalemo 104:24

E mauke ai au gaoiaga, ei Eteleno ! Na ke fai latou fuli i le poto. E apele le malama nei i au nea malilie.

Pesalemo 119:90

E tuu lou agatonu i tautupu ki tautupu ; Na ke fakatafito ia le kele, ti e tuu makeke a ia.

Pesalemo 24:2

Talie na fakatuu e ia le kele i aluga o atu tai, Ti na fakamakeke e ia a ia i aluga o vaitafe.

Pesalemo 33:6

Na fakatupu le atu lagi e le folafola a le Eteleno, Ti mo lona fuatau katoa e le tukumanava o lona gutu.

Pesalemo 65:7

E fakamakeke e ia a mauga ki lona makeke, E toi a ia ki le mafimafi ;

Pesalemo 78:69

Ti na laga loa e ia lona sagatualio ofaipe potu taualuga, Ofaipe le kele leia na fakatuu e ia o lee gato.

Pesalemo 93:1

E sau le Eteleno, kua teu a ia ki le mamalu ofaipe se kofu, Kua takatakai a ia ki le mafimafi ofaipe se kilipipi. Koia e tuu mau ai le malama nei, e leaise taugaoi ai.

Taagapati 3:19

Ko le poto leia na fakatafito ai e le Eteleno le malama nei, Ti ko le atamai leia na fakatupu ai e ia le atu lagi ;

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Esaia 37:16

Eteleno o kau tau, Atua o Iselaele, a koe leia e ekeeke i aluga o Selupino ! Ko koe toka tasi e Atua i puleaga fuli o le malama nei, ko koe leia na fakatupu ia le lagi mo le kele.

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 49:8

Ko leinei le folafola a le Eteleno : I le temi o le kalasia e kau tali loa kiate koe, I le aso o le fakamauli e kau tokoi loa kiate koe ; E kau taupau loa a koe, ti e kau fakanofo loa a koe ke fai ia se sai mo le kakai, Ke toe lagai ia le fenua ki aluga, Ti ke tufa ia a tofiga na tiaki ;

Selemia 10:13

I lona leo, e gugulu a vai i atu lagi, E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona koloa fufu.

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 27:5

Ko au leia na fakatupu ia le kele, mo tagata mo manu ala e taka i aluga o le kele, ki loku mafimafi lasi mo loku lima falo, ti e kau soli le kele ki leia e kau loto ki ai.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Sakalia 12:1

Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Soane 1:3

Na fai e ia a nea fuli, ti na leaise nea i nea fuli ala na fai na leaise fai sala mo ia.

Kolose 1:16

Talie na fakatupu e ia a nea fuli, ala i le atu lagi ti mo la i le malama nei, mo nea ala e sa ti mo nea ala e leaise sa, pe ko nofoaga sau, pe ko nofoaga fakaaliki, pe ko le kau makeke, pe ko le kau pule. Na fakatupu e ia a nea fuli ma ana.