Selemia 1:9 - Tosi Tapu

⁹ Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Selemia 1:9 ပူးပေါင်းရင်းမြစ်များ

Esaia 49:2

Na fakaliliu e ia loku gutu ke tatau mo se seleta matakakai, Na fufu e ia au i le malu o lona lima ; Na fai e ia kiate au se gasau matakakai, Na fufu e ia au i lana taga gasau.

Esaia 50:4

Ko le Aliki, le Eteleno, na soli mai kiate au se alelo poto, O tupu ke kau iloa le masau e aoga ki leia e gaegae. E fafagu e ia, i usu fuli, e fafagu e ia loku taliga, O tupu ke kau fakalogo ofaipe le fakalogo a ni tisipulo.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Selemia 15:19

Koia e folafola ai le Eteleno, o pati : Kapau e ke toe pipiki mai kiate au, e kau tali atu loa kiate koe, ti e ke tuu loa i oku mua ; Kapau e ke vaei kese le nea leia e mauiga mei le nea leia e noa, e ke tatau loa mo loku gutu. Ko latou ala e tonu ke toe au kiate koe, Kae e leaise ko koe leia e tonu ke ano kia latou.

Selemia 34:6

Ti na fakasa loa e le polofeta ko Selemia a folafola fuli ana kia Setesiasi, sau o Suta i Selusalemi.

Selemia 36:2

Too se tosi, o tosi i ai a folafola fuli ala kua kau tuku atu kiate koe o uiga mo Iselaele, mo Suta, mo puleaga fuli, mei le aso leia na kau kamata masau ai kiate koe, i le sau o Sosiasi o kaku mai ki le aso nei.

Selemia 5:14

Koia e folafola ai le Eteleno, le Atua o kau tau, o pati : O tupu na kotou pati le nea lena, Ko leinei, e kau loto ke fai laku folafola i lou gutu pe se afi, Ti ke fai le kakai leinei pe se fafie, Ti ke tutu a ia e le afi lena ke okioki.

Esekiele 3:10

Na pati mai a ia kiate au : Vosa o le tagata, ke ke tali i lou loto ti mo fakalogo mai ou taliga ki folafola fuli ala e kau fakasa atu loa kiate koe !

Taniela 10:10

Ti ko leinei, na fafa mai loa se lima kiate au, o lu oku tuli mo oku lima.

Taniela 10:16

Ti ko leinei, ko se tasi leia na faipe se vosa o le tagata na fafa loa ki oku laugutu. Na fakamavaa loa e ia loku gutu, ti na kau masau loa, o pati ki leia na tuu i oku mua : Ei loku aliki, kua kau i lasi ai i le nea leia kua kau tio ki ai, ti kua puli loku makeke katoa.

Numelo 23:5

Na tuku loa e le Eteleno ni folafola ki le gutu o Palaame, o pati : Toe liliu kia Palake, ti ke masau loa o feneeki :

Mateo 10:19

Kae ka fakatau loa koutou, aua na kotou tuania ia pe feaki loa lakoutou masau, ti kolea loa lakoutou masau : E tuku atu loa kia koutou le nea leia e tonu ke kotou fakasa i lona ola totonu ;

Maleko 7:33

Na too kese loa e ia a ia mei le kakai, ti na velo loa e ia ona maikao ki taliga, ti na fakalave loa e ia lona savale totonu ki le alelo o le tagata ;

Luka 12:12

talie e ako atu loa e le Laumalie Maokioki kia koutou i le temi fai lena le nea leia e tonu ke kotou masau ki ai.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Tetelonome 18:16

Ko le tali loa a ia ki le kole leia na ke fai ki le Eteleno, lou Atua, i Olepe, i le aso o le fakatasi, o ke pati ai : E leaise kau toe loto ke folafola totonu mai kiate au le Eteleno, loku Atua ! E leaise kau toe fia tio ki le afi kaka lena ! E leaise kau fia mate !

Tetelonome 18:17

Na pati mai loa le Eteleno kiate au : E malie le nea leia kua lotou pati ki ai.

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.