Selemia 1:7 - Tosi Tapu

⁷ Ti na pati mai loa le Eteleno kiate au : Aua na ke pati : Ko se ga toe au. Talie e ke ano loa kia latou fuli ala e kau kakau loa a koe ki ai, ti e ke fakasa loa a nea fuli ala e kau fakatotonu atu loa kiate koe.

Selemia 1:7 ပူးပေါင်းရင်းမြစ်များ

Uluaki tosi o Sau 22:14

Na tali loa Mikea : E mauli le Eteleno ! E kau fakasa loa le nea leia e tuku mai e le Eteleno kiate au.

Uluaki tosi o Sau 3:7

I le lakaga nei, ei Eteleno, loku Atua, kua ke tuku ke pule lau tagata fakasausau, o fetogi Tavite, loku tamana ; ti ko se toe au, e leaise kau iloa pe feaki le pule.

Lua tosi o Koloniko 18:13

Na tali loa Mikea : E mauli le Eteleno, e kau fakasa loa le nea leia e fakasa mai loa e loku Atua kiate au.

Ekesote 6:29

Na pati loa le Eteleno kia Moisese : Ko au ko le Eteleno. Fakasa kia Falaone, ko le sau o Esipito, a nea fuli ala e kau pati atu ki ai.

Selemia 26:2

E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Selemia 43:1

I le oki o le fakasa e Selemia ki le kakai katoa a folafola a le Eteleno, lolatou Atua, a folafola fuli ana na fakatotonu e le Eteleno, lolatou Atua, ke fakasa kia latou,

Selemia 7:27

Kapau e ke fakasa kia latou a nea fuli ana, e leaise lotou fakalogo atu loa kiate koe ; Kapau e ke kalaga kia latou, e leaise lotou tali atu loa kiate koe.

Esekiele 2:7

E ke fakasa loa kia latou aku folafola, pe lotou fakalogo pe leaise lotou fakalogo, talie ko ni kakai agatuu latou.

Esekiele 3:27

Ti ka kau masau atu loa kiate koe, e kau fakamavaa loa lou gutu, o tupu ke ke pati kia latou : Ko leinei le folafola a le Aliki, le Eteleno. Ko leia e loto ke fakalogo ke fakalogo, ko leia e leaise loto ke fakalogo ke aua na fakalogo, talie ko se famili o ni kau agatuu.

Amosi 7:15

Kae na too au e le Eteleno i muli o le kau manu, ti na pati mai loa le Eteleno kiate au : Ano, ti ke kikite ki loku kakai ko Iselaele.

Sonasi 3:2

Tuu ki aluga, ano ki Ninive, le kolo lasi, ti ke fakasa i ai le nea leia e kau fakatotonu atu loa kiate koe !

Numelo 22:20

Na nake loa le Atua kia Palaame i le pouli, o pati kiate ia : Kapau na au a tagata ana o fakaafe a koe ke ke ano mo latou, tuu ki aluga, o ano mo latou ; kae ko leia fua e ke fai loa le nea leia e kau fakasa atu loa kiate koe.

Numelo 22:38

Na pati loa Palaame kia Palake : Ko leinei au kua kaku mai kiate koe ! kolea le nea leia e feala loa ke kau fakasa kiate koe ? Talie e kau fakasa ia loa le nea leia e tuku mai loa e le Atua ki loku gutu.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.