Selemia 1:5 - Tosi Tapu

⁵ Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Selemia 1:5 ပူးပေါင်းရင်းမြစ်များ

Pesalemo 139:15

Na leaise munia fua se koga o loku tino iate koe, I le temi leia na ke fau ai au i se ganea fakapulipuli, Ti na ke teuteu ai au ke fulumalie i le manava o loku tinana.

Pesalemo 139:16

I le temi leia na kau nofo ai ko se fa nea noa, na tio ou mata kiate au ; Kae i lau tosi na tosi ai A aso fuli ala na fakatuutuu kiate au, kae e leikiaise sa se aso fua e tasi o latou.

Ekesote 33:12

Na pati loa Moisese ki le Eteleno : Ko leinei, e ke pati mai kiate au : Taki le kakai leinei ! Ti e leaise ke fakasa mai kiate au pe ko ai leia e ke kakau loa mo au. Kae kua ke pati : E kau iloa a koe i lou igoa totonu, ti kua ke alofa kiate au.

Ekesote 33:17

Na pati loa le Eteleno kia Moisese : E kau fai loa le nea leia e ke kole mai ki ai, talie kua kau alofa kiate koe, ti e kau iloa a koe i lou igoa.

Esaia 44:2

Ko leinei le folafola a le Eteleno, leia na fakatupu ia a koe, Leia na fau ia a koe mei lou tupu, Leia ko lou fanakiaga : Aua na ke i ki se nea, ei laku tagata fakasausau ko Sakopo, Ei laku Iselaele, leia na kau filifili.

Esaia 49:1

Atu motu, kotou fakalogo mai kiate au ! Kakai mamao, kotou tokaga ! Na kalagai au e le Eteleno talu mei loku tupu, Na tuku e ia loku igoa talu mei laku mavae i le manava o loku tinana.

Esaia 49:5

I le aso nei, e folafola le Eteleno, Leia na fau ia au talu mei loku tupu ke liliu ko lana tagata fakasausau, Ke toe aumai kiate ia Sakopo, Ti mo Iselaele leia koi mavetevete ; Talie e kau mauiga ki mata o le Eteleno, Ti ko loku Atua ko loku makeke.

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Selemia 1:4

Na tuku mai loa le folafola a le Eteleno kiate au, o pati :

Selemia 20:15

Ke malaia le tagata leia na ave ia le logo lena ki loku tamana : Kua tupu se vosa kiate koe, Ke fakaapele ia a koe i le fiafia !

Selemia 25:13

E kau kakau mai loa ki le fenua lena a nea fuli ala kua kau fakasa fakatomua o uiga mo ia, a nea fuli ala kua tosi i le tosi leinei, a nea ala kua fakasa e le polofeta ko Selemia o uiga mo atu puleaga fuli.

Selemia 36:2

Too se tosi, o tosi i ai a folafola fuli ala kua kau tuku atu kiate koe o uiga mo Iselaele, mo Suta, mo puleaga fuli, mei le aso leia na kau kamata masau ai kiate koe, i le sau o Sosiasi o kaku mai ki le aso nei.

Selemia 50:34

Kae e makeke leia e totogi ia latou, Leia e igoa ko le Eteleno o kau tau. E puipui loa e ia lolatou mauli, O tupu ke tuku le malolo ki le fenua Ti ke lulu le kakai o Papilone.

Luka 1:15

Talie e lasi loa a ia i mua o le Aliki. E leaise inu loa e ia se vino, pe ko se kava makeke, ti e apele loa a ia i le Laumalie Maokioki mei le manava o lona tinana ;

Luka 1:41

I le logo fai a Elisapeta ki le fakaalofa a Malia, na soposopo loa lona toe i lona manava, ti na apele loa Elisapeta i le Laumalie Maokioki.

Luka 1:76

Ti ko koe, ga toe, e fakaigoa loa a koe ko le polofeta o le Taualuga. Talie e ke saele loa i mua o le Aliki, o teuteu ona ala,

Soane 10:36

ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Loma 1:1

Paulo, tagata fakasausau a Sesu-Kilisito, kua filifili ke apositolo, ti kua vaei kese ki le fakasa o le Evaselio a le Atua -

Loma 8:29

Talie ko latou ala na iloa fakatomua e ia, na fakatuutuu fakatomua foki e ia latou ke tatau mo le paaki o lona Alo, o tupu ke liliu lona Alo ko le uluaki tupu o ni fetaina toka api.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Efeso 1:22

Ti kua tuku e ia a nea fuli ki ona vae, ti kua soli e ia a ia ko le Ulu o le Ekelesia,