Selemia 1:18 - Tosi Tapu

¹⁸ Ko leinei, kua kau fakanofo a koe i le aso nei ki le fenua katoa ofaipe se kolo tau, mo se fa pou ukamea, ti mo se paa sila, ki sau o Suta, mo ona pule, mo ona tagata faisakilifisio, ti mo le kakai katoa o le fenua.

Selemia 1:18 ပူးပေါင်းရင်းမြစ်များ

Esaia 50:7

Kae na tokoi kiate au e le Aliki, le Eteleno ; Koia na leaise kau matagafua ai, Koia na kau fakafefeka ai oku mata ofaipe se fa fatu, Talie e kau iloa e leaise kau luma loa.

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Selemia 15:10

Malaia kiate au, ei loku tinana, i lau fakatupu ia au, Ko se tagata fakatupu visi ti mo fakatupu fefele ki le fenua katoa ! E leaise kau too maua, ti e leaise kau soli maua, Kae e lotou fakamalaia fuli mai kiate au.

Selemia 15:20

E kau fakaliliu loa a koe ofaipe se kaua sila makeke ki le kakai leinei ; E lotou fai loa kiate koe le tau, kae e leaise lotou malo loa iate koe ; Talie e kau nofo loa mo koe, o fakamauli a koe ti mo saofaki a koe, E pati le Eteleno.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Selemia 21:4

E folafola le Eteleno, le Atua o Iselaele, o pati : Ko leinei e kau fakamaliu loa a masafu ala e too i okoutou lima, ala e kotou taui ai i le tua kolo le sau o Papilone mo le kau Kaletea ala e takatakai ia koutou, ti e kau fakatasii mai loa latou ki loto malie o le kolo leinei.

Selemia 26:24

Kae na kau loa le lima o Asikame, vosa o Safani, mo Selemia, ti na taofi loa e ia ke aua na tuku a ia ki le kakai ke tamate.

Selemia 34:3

Ti ko koe, e leaise ke sao loa i ona lima, kae e too loa a koe o tuku ki ona lima, ti e tio loa ou mata ki mata o le sau o Papilone, ti e masau totonu loa a ia kiate koe, ti e ke ano loa ki Papilone.

Selemia 37:7

E folafola le Eteleno, le Atua o Iselaele, o pati : E kotou pati loa ki le sau o Suta leia na kakau ia mai koutou ke au o afa loku finegalo : Ko le solia leia a Falaone na au ke saofaki koutou, kua toe liliu ki lona fenua i Esipito ;

Selemia 38:18

Ti kapau e leaise ke ano loa ki pule a le sau o Papilone, e tuku loa le kolo leinei ki lima o le kau Kaletea, ti e lotou tutu loa a ia ki le afi ; ti ko koe, e leaise ke sao loa mei olatou lima.

Selemia 38:2

E folafola le Eteleno, o pati : Ko leia e nofo loa i le kolo leinei e mate loa i le seleta, mo le oge, mo le taumasaki ; kae ko leia e mavae loa o ano ki le kau Kaletea e saofaki loa e ia lona mauli ; ti ko lona totogi ko lona mauli, io, e mauli loa a ia.

Selemia 42:22

Ke kotou iloa i le aso nei, e kotou mamate loa i le seleta, mo le oge, ti mo le taumasaki, i le ganea leia e kotou loto ke kotou ano o nonofo ai.

Selemia 6:27

Na kau fakanofo a koe ofaipe se tagata oono ukamea, Ofaipe se kolo tau Ke ke iloa ti mo ke oono ona ala.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Apokalipisi 3:12

Ko leia e malo loa, e kau fakatuu loa a ia ko se fa pou lasi i le fale tapu o loku Atua, ti e leaise toe mavae loa a ia mei ai ; e kau tosi loa iate ia le igoa o loku Atua, ti mo le igoa o le kolo o loku Atua, o le Selusalemi foou leia e ifo mei le lagi mei tafa o loku Atua, ti mo loku igoa foou.