Selemia 1:17 - Tosi Tapu

¹⁷ Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Selemia 1:17 ပူးပေါင်းရင်းမြစ်များ

Uluaki tosi o Sau 18:46

Ti na teki loa e le Eteleno lona lima kia Elia, leia na toi loa lona kilipipi, o makape i mua o Akapo, o kaku ki le matapa o Siseleele.

Lua tosi o Sau 1:15

Na pati loa le aselo o le Eteleno kia Elia : Ifo mo ia, ti aua na ke i fua kiate ia. Na tuu ake loa Elia, o ifo mo ia ki le sau.

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Lua tosi o Sau 9:1

Na kalagai loa e Eliseo, le polofeta, se tasi i vosa o le kau polofeta, o pati kiate ia : Toi lou kilii pipi, ti ke too le fagu lolo leinei, o ano ki Lamoti i Kalaate.

Sopo 38:3

Toi lou kilii pipi ki ou vakavaka ofaipe se tagata toa ; E kau fakavesili loa a koe, Ti e ke ako mai loa kiate au.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 7:2

Ko koe, e ke fakasa loa a nea fuli ala e kau fakatotonu atu kiate koe, ti ko Alone lou taokete, e masau loa kia Falaone, ke tuku fanau a Iselaele ke mavae mei lona fenua.

Selemia 1:18

Ko leinei, kua kau fakanofo a koe i le aso nei ki le fenua katoa ofaipe se kolo tau, mo se fa pou ukamea, ti mo se paa sila, ki sau o Suta, mo ona pule, mo ona tagata faisakilifisio, ti mo le kakai katoa o le fenua.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 23:28

Ke fakamatala e le polofeta leia na fai ia se moemiti lana moe, Ti ke fakasa laku folafola i le maoki e leia na logo ki laku folafola. Kolea e filo ai le penu mo le fulumeto ? e pati le Eteleno.

Selemia 26:12

Na pati loa Selemia ki le kau pule fuli mo le kakai katoa : Na kakau mai au e le Eteleno ke kikite ki le fale leinei mo le kolo leinei a nea fuli ala kua kotou logo ki ai.

Selemia 26:2

E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Selemia 36:8

Ti na fai loa e Paluke, vosa o Nelisa, a nea fuli ala na fakatotonu e Selemia, le polofeta, kiate ia, ti na lau loa e ia i le tosi a folafola a le Eteleno, i le fale o le Eteleno.

Tagi laulau a Selemia 3:57

I le aso leia na kau fetapa ai kiate koe, na ke fakafeofi mai kiate au, Na ke pati : Aua na ke i !

Sonasi 3:2

Tuu ki aluga, ano ki Ninive, le kolo lasi, ti ke fakasa i ai le nea leia e kau fakatotonu atu loa kiate koe !

Luka 12:35

Ke toi okoutou kilii pipi ki okoutou sulugalava, ti ke ula okoutou malama.

Gaoi 20:20

E kotou iloa na leaise kau fufu se nea fua e tasi leia na aoga kia koutou, kae kua kau fakasa kia koutou mo ako kia koutou a nea fuli ala na aoga kia koutou, i mua o le kaugamalie ti mo loto fale,

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Uluaki tosi ki le kau Kolinto 9:16

Kapau e kau fakasa le Evaselio, e leaise tonu ke kau fakakololia i ai, talie kua tuku mai a ia kiate au, ti e malaia kiate au mo kapau e leaise kau fakasa le Evaselio !

Uluaki tosi ki le kau Tesalonika 2:2

I le oki o lamatou tali a mamae ti mo lauveli i Filipe, ofaipe le nea leia kua kotou iloa, na toe fakamakeke o motou loto e le Atua ke motou fakasa kia koutou le Evaselio o le Atua, i loto malie o ni tau lasi ai.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.