Selemia 1:16 - Tosi Tapu

¹⁶ E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 1:16 ပူးပေါင်းရင်းမြစ်များ

Lua tosi o Sau 22:17

Talie na lotou tiaki au ti na lotou momoli ni nea fakamanogi ki ni taulaatua, o tupu ke kau itaita ai ki gaoiaga fuli o olatou lima, e vilo loa loku itaita ki le ganea leinei, ti e leaise toe taofi loa a ia.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Lua tosi o Koloniko 28:2

Na saele loa a ia i ala o sau o Iselaele ; ti na fai foki e ia ni fakatata ki le ukamea saka kia latou ala na tausi kia Paale,

Lua tosi o Koloniko 34:25

Talie na lotou tiaki au kae lotou momoli ni kaloni ki ni iki ake atua, ke kau itaita ai ki gaoiaga fuli o olatou lima, kua maligi loa loku sausau ki le ganea leinei ti e leaise toe taofi loa a ia.

Lua tosi o Koloniko 7:19

Kae kapau e kotou maliu kese loa, kapau e kotou tiaki loa aku lao mo aku folafola, ala na kau tosi atu kia koutou, ti kapau e kotou tausi loa ki ni iki ake atua kese, o punou i olatou mua,

Esaia 2:8

Kua apele le fenua i taulaatua ; Kua lotou punou i mua o le gaoiaga o olatou lima, I mua o le nea leia na fau e olatou maikao.

Esaia 37:19

ti na lotou laku olatou atua ki le afi ; kae na leaise ko ni atua latou, ko ni nea na fau e lima o le tagata ki ni laakau mo ni fatu ; ti kua lotou fakapuli latou.

Esaia 44:15

E aoga a laakau ana ki le tagata ke tafu ai le afi ; E too e ia se potu ti e fakamafana a ia ki ai, E fakamoso e ia lana nea kai ki le tasi a potu. Ti e toe fai foki e ia ki ai se atua, leia e atolasio a ia ki ai, E fai e ia ki ai se taulaatua, leia e punou a ia ki ai.

Esaia 65:3

Ki se kakai leia e leaise gato lana fakatupu loku ita, Leia e momoli ia ni failaulau i oloto, Ti e tutu ia le iseso i aluga o piliki ;

Selemia 10:15

Ko ni nea mamate latou, ko se gaoiaga kaka ; E lotou maumau loa, mo ka au loa le tautea.

Selemia 10:3

Talie ko agai fenua o kakai ko nea noa ata. E tuuti le laakau i le vaomatua ; E gaoi ki ai le lima o le tagata tufuga aki le toki ;

Selemia 11:12

E ano loa a kolo o Suta mo le kakai o Selusalemi, O tagi ki atua ala na lotou momoli ki ai le iseso, Kae e leaise lotou fakamauli loa latou i le aso o lolatou malaia.

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:28

Kofea ou atua ala na ke fau ia kiate koe ? Ke lotou tutuu ki aluga, mo kapau e mafai ke lotou fakamauli a koe i le aso o le malaia ! Talie kua tatau le lasi o ou atua mo ou kolo, ei Suta !

Selemia 4:12

Kae ko se matagi makeke leia e au mei ai kiate au. I le aso nei, e kau tuku loa kia latou lolatou tua.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Selemia 5:29

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 5:9

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 51:17

E liliu tagata fuli o valea i lona iloa, E luma tagata fai ukamea fuli o tupu ko lana fakatata togi ; Talie ko ana taulaatua ko loi, E leaise maua ia latou se tukumanava.

Selemia 7:17

Pe leaise ke tio ki le nea leia e lotou fai i Suta Ti mo ala o Selusalemi ?

Selemia 7:18

E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Esekiele 16:18

Na ke too loa ou teu fakamailoga, ti na ke fakakofu loa latou ki ai, ti na ke momoli loa ki fakatata ana loku lolo mo loku iseso.

Esekiele 24:14

Ko au, le Eteleno, kua kau masau : ti e soko loa le nea lena ! E kau fai loa a ia ; ti e leaise kau toe solomuli loa, ti e leaise kau toe aloalofa loa pe toe fakasemala loa. E fakamaaui loa a koe o mulimuli ki lau aga mo au gaoi, e pati le Aliki, le Eteleno.

Oseo 11:2

Kae na lotou fakamamao ia latou ala na kalagai ia latou ; Na lotou fai ni sakilifisio kia Paale, Ti na lotou momoli se iseso ki taulaatua.

Oseo 8:6

E au a ia mei Iselaele, na fau a ia e se tagata tufuga, Kae e leaise ko le Atua ; Koia leia e liliu ai loa le uviki pipi o Samalia o efu.

Soele 2:11

E fakagugulu e le Eteleno lona leo i mua o lana kau tau ; Talie e lasi ai lona nofolaga solia, Ti e makeke leia e fakasoko ia lana folafola ; Talie e lasi le aso o le Eteleno, e fakaii a ia : Ko ai e feala loa ke tuu i ai ?

Gaoi 7:41

Ti i aso ana, na lotou fau loa se uviki pipi, ti na lotou momoli loa se sakilifisio ki le taulaatua, ti na lotou fiafia loa i gaoi o olatou lima.

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Sosue 24:20

Kapau e kotou tiaki loa le Eteleno ti kapau e kotou tausi loa ki ni atua kese, e maliu atu loa a ia kia koutou o tautea koutou ti mo tamate koutou, ti e maumaui loa e ia koutou i le oki o lana tapuaki kia koutou.

Apokalipisi 9:20

Ko le toega o le kakai, latou ala na leaise mate i tautea ana, na leaise fakasemala loa ki gaoi o olatou lima, o fakagato lalatou atolasio ki temonio, ti mo taulaatua aulo, mo siliva, mo ukamea, mo fatu, ti mo laakau, ala e leaise feala ke tio, mo logo, mo saele ;