Selemia 1:14 - Tosi Tapu

¹⁴ Ti na pati mai loa le Eteleno kiate au : E tupu loa mei le potu noleto le veli ki le kakai katoa o le fenua.

Selemia 1:14 ပူးပေါင်းရင်းမြစ်များ

Esaia 14:31

Matapa, ke ke tagi ! Kolo, ke ke lauga ! Fenua katoa o le kau Filisitini, ke ke lulu ! Talie kua ifo mai se afu mei le potu noleto, Ti kua kopikopi fua a atu tau o le fili.

Esaia 41:25

Na kau lagai se tagata mei le potu noleto, ti na au a ia ; I le potu esite, e too e ia loku igoa ; E takatakafi e ia le kau lalasi ofaipe le pela, Ofaipe le kele kula leia e takatakafi e le tagata faiipu.

Selemia 10:22

Ko leinei, e tau mai se logo ; Ko se logoa lasi leia e au mei le potu noleto, Ke fakaliliu ia a kolo o Suta ko se toafa, Ko se nofoaga o kuli vao.

Selemia 11:17

Kua aumai kiate koe le malaia e le Eteleno o kau tau, leia na to ia a koe, O tupu ko le agaveli o le fale o Iselaele mo le fale o Suta, Ala na fai ia le nea ke tupu ai loku sausau, o la momoli le iseso kia Paale.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 46:20

Ko Esipito ko se uviki pipi fafine fulumalie ai… E au le tagata maumau mei le potu noleto, e kaku mai a ia…

Selemia 47:2

E folafola le Eteleno, o pati : Ko leinei, e malaga mai ni atu vai lalasi i le potu noleto, Ofaipe se liua kua puke ; E lotou fakalomaki le fenua mo nea fuli i ai, A kolo mo olatou kakai. Kua fai e tagata tagi ; Kua tagi laulau a kakai fuli o le fenua,

Selemia 50:41

Ko leinei, e au se kakai mei le potu noleto, ko se puleaga lasi, Ti e malaga ake ni sau makeke i potupotu o le malama nei.

Selemia 50:9

Talie ko leinei, e kau lagai loa kia koutou Ni puleaga lalasi mo mauke ai mei le potu noleto ; E lotou pale loa ki Papilone, E lotou tau loa kiate ia, ti e lotou too loa a ia ; E fai alatou gasau pe se tagata poto i le tau, Leia e leaise se toe liliu noa.

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Selemia 6:22

E folafola le Eteleno, o pati : Ko leinei, e au se kakai mei le fenua o le potu Noleto, E malaga ake ki aluga se puleaga lasi mei potupotu o le malama nei.

Esekiele 1:4

Na kau tio loa, ti ko leinei, na au loa mei le potu noleto se asesio : ko se ao matotolu mo se afi takamilomilo, ti na takatakai a ia e se malama, ti na gigila i loto malie ofaipe se sila momole leia nao too fua mei le afi.

Esekiele 24:3

Ke tuku se folafola fakatata ki le famili o le kau agatuu, o ke pati kia latou : E folafola le Aliki, le Eteleno, o pati : Fakatuu, fakatuu le fa kulo, ti liligi se vai ki loto.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Sakalia 6:6

Na ano loa a osi uli ala na sai ki le tasi saliote ki le potu noleto, ti na muli ia latou a osi tea ; kae na ano loa a osi pulepule kula ki le fenua o le potu saute.