Selemia 1:13 - Tosi Tapu

¹³ Ti na toe tuku mai loa kiate au le folafola a le Eteleno, o pati : Kolea e ke tio ki ai ? Na kau tali loa : E kau tio ki se kulo kua pula, leia e agaaga mai lona gutu mei le potu noleto.

Selemia 1:13 ပူးပေါင်းရင်းမြစ်များ

Senesi 41:32

Kapau na tio tua lua Falaone ki le moe miti, ko lona uiga, kua fakapapau e le Eteleno ke fai le nea lena, ti e leaise toe talitali loa a ia.

Esaia 55:11

E tatau foki mo laku folafola, leia e ulu mei loku gutu : E leaise toe liliu mai a ia kiate au sala fua, Kae e leikiaise fai e ia loku finegalo Ti mo fakasoko aku fakatuutuu.

Selemia 24:3

Na pati mai loa le Eteleno kiate au : Selemia, kolea e ke tio ki ai ? Na kau tali loa : Ki ni fiki. Ko fiki malilie e malilie ai, ti ko fiki veveli e fua veveli ai, ti e leaise mafai ke kai latou o tupu ko lolatou fua veveli.

Esekiele 11:3

E lotou pati : E leaise ko le temi leinei ke tou fau ai i leinei ni fale ! Ko le kolo ko le fa kulo, ti ko tatou ko ni inati.

Esekiele 11:7

Koia e folafola ai le Aliki, le Eteleno, o pati : Ko okoutou mate ala na kotou laku i loto malie o le kolo Ko le inati latou, ti ko le kolo, ko le kulo a ia ; Kae ko koutou, e fakamavae loa koutou i ai.

Esekiele 12:28

Koia, ke ke pati kia latou : E folafola le Aliki, le Eteleno, o pati : E leaise tuvai loa le fakasoko o aku folafola ; E soko maoki loa le folafola leia e kau fakasa loa, E pati le Aliki, le Eteleno.

Amosi 8:2

Na pati loa a ia : Kolea e ke tio ki ai, Amosi ? Na kau tali loa : Ki se kete fuai laakau. Ti na pati mai loa le Eteleno kiate au : Kua soko mai le fakaoki ki loku kakai ko Iselaele ; E leaise kau toe fakamolemole loa kiate ia.

Sakalia 4:2

Na pati mai loa a ia kiate au : Kolea le nea leia e ke tio ki ai ? Na kau tali loa : E kau tio, ti ko leinei, e i ai se tuuaga malama leia na aulo saosaoa katoa, mo se nea tanaki lolo i aluga. Na maga fitu le tuuaga malama, mo ni tafeaga lolo e fitu ki malama e fitu ala i le tumutumu o le tuuaga malama ;