Sakopo 5:9 - Tosi Tapu

⁹ Fetaina, aua na kotou felaugaaki a la ki la, talie ke aua na fakamaaui koutou e le Atua ; ko leinei, kua tuu le tui fakamaau i le matapa.

Sakopo 5:9 ပူးပေါင်းရင်းမြစ်များ

Senesi 4:7

Kapau e ke fai le nea leia e totonu, ti e toe tuu loa ou mata ki aluga ; kae kapau e ke fai le nea leia e veli, ti e moe loa le agasala i lou mua matapa. E loto a ia ke pule kiate koe, kae ko koe, ke ke pulei a ia.

Pesalemo 59:15

E lotou au i afiafi fuli, e lotou ko ofaipe ni kuli, E lotou foli takai i le kolo.

Esekiele 7:12

Kua soko mai le temi, kua ofi mai le aso ! Ke aua na fiafia leia e totogi, Ke aua na mamae leia e fakatau ! Talie kua mapaa le sausau ki le kakai katoa.

Levitiko 19:18

Aua na ke taui veli loa, ti aua na ke taofi loa se kona i lou loto ki fanau o lou kakai. E ke alofa loa ki lou oloi ofaipe koe totonu. Ko au ko le Eteleno.

Mateo 24:33

Ti e fenaaki foki, ka kotou tio loa ki nea fuli ana, kotou iloa kua ofi mai le Vosa o le tagata, i le matapa.

Maleko 13:29

Ti e fenaaki foki, peka kotou tio loa kua soko mai a nea ana, ke kotou iloa kua ofi le Vosa o le tagata, i le matapa.

Maleko 6:19

Koia na ita ai Elotiasi kia Soane, o loto ke tamate a ia.

Uluaki tosi ki le kau Kolinto 10:11

Ti na soko a nea fuli ana kia latou ko ni faifaitakiaga kia tatou, ti kua tosi latou ko ni akonaki kia tatou anei, kua kaku mai ki le fakaoki o sekulo.

Uluaki tosi ki le kau Kolinto 4:5

Koia ke aua na kotou fakamaaui ai se nea i mua o le aso, o kaku ki le au o le Aliki, leia e fakasa ia loa ki le malama le nea leia e munia i le fakapouli, ti mo manatu o loto. Ti e tali loa e le tagata taki toka tasi le fakavikiviki mei le Atua.

Lua tosi ki le kau Kolinto 9:7

Ke soli e le tagata taki toka tasi o mulimuli ki le nea leia kua fakapapau ki ai i lona loto, kae leai i le loto mamae, pe i le fakamaua, talie e alofa le Atua ki leia e soli fiafia.

Kalate 5:14

Talie e fakasoko le lao katoa i se folafola e tasi, leinei : E ke alofa loa ki lou oloi ofaipe lou alofa kiate koe totonu.

Kalate 5:26

Aua na tou afa se kololia vaiga, o tou felotoveliaki mo tou fefinenonofoaki.

Sakopo 4:11

Fetaina, ke aua na kotou masau veli, a la ki la. Ko leia e masau veli ki se taina, pe fakamaaui ia lona taina, e masau veli a ia ki le lao ti e fakamaaui e ia le lao. Ti kapau e ke fakamaaui ia le lao, e leaise ko se tagata loa a koe leia e fai ia le lao, kae ko lona tui fakamaau.

Sakopo 4:12

Ko le toka tasi fai e fai lao mo tui fakamaau, ko leia e mafai ia ke fakamauli mo fakamate ; kae ko ai a koe, leia e fakamaaui ia le oloi ?

Sakopo 5:10

Ei oku fetaina, kotou too le kau polofeta, ala na masau i le suafa o le Aliki, ofaipe ni faifaitakiaga o le kataki fualoa i le mamae.

Sakopo 5:7

Koia, fetaina, ke kotou kataki fualoa, o kaku ki le toe liliu mai a le Aliki. Kotou tio ki le talitali a le tagata gaoi kele ki le fua mauiga o le kele : e talitali a ia o kaku ki le to o ua o le temi mamate ti mo ua o le temi tutupu.

Uluaki tosi a Petelo 4:5

Kae e tonu loa ke lotou fakasa i se aso alatou gaoi ki leia kua teuteu ke fakamaau ia le kau mauli mo le kau mate.

Uluaki tosi a Petelo 4:9

Ke kotou fai le fakatalitali kaiga i okoutou vasaa o sala lauga.

Apokalipisi 3:20

Ko leinei, e kau tuu i le matapa, ti e kau fitifiti. Kapau e logo se tasi ki loku leo, mo fakamavaa le matapa, e kau ulu loa ki lona fale, e kau kai afiafi loa mo ia, ti ko ia mo au.