Sakopo 5:5 - Tosi Tapu

⁵ Kua kotou mauli i le malama nei i fiafia lalasi mo fiafia veveli o le tino, ti kua kotou fakamakona okoutou loto i le aso o le katoaga.

Sakopo 5:5 ပူးပေါင်းရင်းမြစ်များ

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Pesalemo 73:7

E ulu le agaveli mei olatou tootooga, Ti e sa ki le malama a manatu o olatou loto.

Taagapati 17:1

E malie ake se ga pane malo, mo le tokamalie, I se fale e apele i inati, mo ni fefele.

Taagapati 7:14

Na tonu ke kau momoli se sakilifisio fakafetai, Ti na kau fakasoko i le aso nei aku fakapapau.

Esaia 22:13

Kae ko leinei kua kotou katakata ti kua kotou fiafia ! Kua tamate ni pipi tagata mo ni ovi ; Kua kai ni inati ti kua inu le vino : Tou kakai ti tou iinu, talie e tou mamate loa apogipogi !

Esaia 3:16

E folafola le Eteleno : O tupu e fia nealasi a taineliki o Sione, Ti e lotou saele o fakatuu sako olotou ulu, Talie e lotou mata mamalu, Ti e lotou ano soposopo ke fakatatagi ai a matemate o olatou vae,

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Esaia 56:12

Kotou au, e kau ano nei o afa mai se vino, Ti e tou inu loa ni kava makeke ! I le aso nei o tatau mo apogipogi, Talie e lasi a nea inu !

Selemia 12:3

Kae ko koe, Eteleno, e ke iloa au ; E ke tio kiate au, e ke ului loku loto leia e nofo mo koe. Too latou ofaipe ni ovi ala e tonu ke tamate, Ti ke teuteu latou ki le aso tamatea lasi !

Selemia 25:34

Kotou tagi laulau, tagata tausi manu, ti kotou kalaga ! Kotou fuliteka i le mugalafu, kau takitaki o kau manu, Talie kua soko mai a aso ala e tamate ai loa koutou. E kau fatifatii loa koutou, ti e kotou vivilo loa ki lalo ofaipe se ipu mauiga.

Esekiele 16:49

Ko leinei le agasala a Sotoma, lou ga taina : Na fia nealasi a ia, ti na mauli a ia i le koloa, ti na leaise tuania ia e ia se nea, a ia mo ona taineliki ; ti na leaise tokoi a ia ki le kau mativa mo le kau fakaaloalofa.

Esekiele 39:17

Ti ko koe, vosa o le tagata, e folafola le Aliki, le Eteleno, o pati : Pati ki manu lele, mo nea fuli ala e maua ia ni kapakau, Ti mo manu fuli o faisaga : Kotou fakatasi mai, kotou au, kotou fakatasi mei potu fuli, Ki le sakilifisio leia kua kau fai kia koutou, Ko se sakilifisio lasi ai i mauga o Iselaele ! E kotou kai loa le kanofi, ti e kotou inu loa le toto.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Luka 16:19

Na i ai se tagata mou koloa, leia na lava ki ni kie fulumalilie mo mauiga ai, ti na kai nea malilie a ia i aso taki tasi.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Loma 13:13

Ke tou saele agatonu, ofaipe le saele i le ao, o mamao mei kai fakavale, mo le kona, mo fiafia fakavale, mo fai feauaki, mo le fefele ti mo le finenonofo.

Uluaki tosi kia Timoteo 5:6

Kae ko le lokonui leia e mauli i fiafia fakamalama, kua mate a ia logo ai koi mauli.

Lua tosi kia Timoteo 3:4

mo fakapapau loi, mo loto oso, mo makita i le fia nealasi, mo alofa ki fiafia fakamalama o lasi ake i le Atua ;

Lua tosi a Petelo 2:13

ti e lotou tali loa i ai le totogi o lalatou agaveli. E lotou maua lolatou fiafia i le fakasoko olatou oli veveli i le lauatea ; ko ni tagata maimoa mo kelekele latou ; e lotou fiafia i alatou kaka, o kau i akoutou kaitasi fakatautaina.

Suta 1:12

Ko ni fatu fakatupu agasala latou i akoutou kaitasi, ala e lotou kai fakavalevale ai mo fakalumaluma. Ko ni ao sala vai latou, ala e viligia i matagi. Ko ni laakau latou o le temi fakamamate, ala e sala fua, ti kua mamate tua lua, ti kua taaki mei le kele.

Apokalipisi 18:7

Kotou soli kiate ia ni mamae mo ni malaia ke tatau mo lona kololia ti mo lona koloa. Talie e pati a ia i lona loto : E kau ekeeke i leinei ko le fafine aliki, e leaise kau iloa ia le mauli lokonui, ti e leaise kau iloa ia le mamae !

Uluaki tosi a Samuele 25:36

Na kaku loa Apikaile ki tafa o Napale. Ti ko leinei, na fai e ia i lona fale se kaitasi ofaipe se kai fakasau ; kua fiafia ai lona loto, ti kua kona oki a ia. Na leaise fakasa loa e Apikaile kiate ia se nea fua e tasi, ikiiki pe lasi, o kaku ki le mafoa mai o le ao.

Uluaki tosi a Samuele 25:6

ti e kotou masau feneeki loa kiate ia : Ke ifo kiate koe le tokamalie, mo lou fale, mo nea fuli e ke maua !