Sakopo 5:4 - Tosi Tapu

⁴ Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.

Sakopo 5:4 ပူးပေါင်းရင်းမြစ်များ

Senesi 4:10

Ti na pati loa le Atua : Kolea le nea leia kua ke fai ? E tagi mai kiate au le leo o le toto o lou taina mei le kele.

Sopo 34:28

Na lotou fakamakeke le mativa ke tagi ki le Atua, Ti na lotou fai ke tokaga le Atua ki le tagi a le fakaaloalofa.

Sopo 7:2

Ofaipe le fakaamu a le tagata popula ki le malumalu, Ofaipe le talitali a le tagata gaoi ki lona totogi,

Pesalemo 9:12

Kotou sua ki le Eteleno, leia e nofo i Sione ; Kotou fakasa ana gaoi i lotolotoga o atu puleaga !

Ekesote 22:27

talie ko le kofu lena ko lona nea kafu a ia e tasi, leia e fakamafana ia lona tino : Ka puli lona kofu, ti e kafu loa a ia kilea ? Kapau e tagi mai loa a ia kiate au, ti e kau logo loa, talie e kau manava alofa.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Esaia 1:9

Ka na leaise tuku e le Eteleno o kau tau Se ga toetoega gaegae ia matou, Na motou liliu loa ofaipe Sotoma, Na motou tatau loa mo Komola.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Esaia 5:9

Ko leinei le nea leia na fakasa mai kiate au e le Eteleno o kau tau : E kau fakamaoki atu kiate koe, e maumaui loa a fale mauke anei, Ti e leaise toe nofoi loa e ni iki a fale lalasi ana mo fulumalilie.

Selemia 22:13

Malaia kiate leia e laga ia lona fale i le lee faitotonu, Ti e fakalasi ia ona lau fata i le agaveli, Leia e fakagaoi ia lona oloi kae leaise totogi, Kae leaise se soli kiate ia lona totogi !

Levitiko 19:13

Aua na ke pulei fakaveli loa lou oloi, ti aua na ke too fakamakeke loa se nea iate ia. Aua na ke taofi loa o kaku ki le apogipogi le totogi o le tagata gaoi.

Apakuki 2:11

Talie e kalaga le fatu i loto malie o le kaua, Ti e tali ki ai le laakau leia e fakafesoko ia le fatafataafale.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 9:37

Na pati loa Sesu ki ana tisipulo : E lasi ai le fuata kae toka teiki fua le kau gaoi.

Luka 18:7

Pe leaise faitotonu loa le Atua ki ana filifilia, ala e kalaga kiate ia i le ao mo le po ? pe fakatuvai loa a ia kia latou ?

Loma 9:29

Ti e faipe lona fakasa e Esaia i mua atu : Ka na leaise tuku mai Ele Aliki o kau tau kia tatou se fakaili, Na tou liliu loa ofaipe Sotoma, Na tou tatau loa mo Komola.

Tetelonome 15:9

Ke ke tokaga ai na ke maua loa i lou loto ni manatu fakalialia, o ke pati loa : kua ofi le fitu o fetuu, le fetuu o le soloi o maua ! Ke ke tokaga na ke maua loa se tio fakaveli ki lou taina leia e mativa, o leaise ke soli loa kiate ia se nea. E kalaga loa a ia ki le Eteleno o uiga mo koe, ti e ke amo loa i ai se agasala.

Kolose 4:1

Pule, kotou soli ki akoutou tagata fakasausau le nea leia e totonu mo feauga, o kotou iloa e i ai lokoutou Pule foki i le lagi.