Sakopo 5:16 - Tosi Tapu

¹⁶ Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Sakopo 5:16 ပူးပေါင်းရင်းမြစ်များ

Senesi 19:29

I le aso leia na maumaui ai loa e le Atua a kolo o le fenua laumalie lena, na manatui loa e ia Apalaamo ; ti na fakamauli loa e ia a Lote mei le tutamaki leia na tautea ai e ia a kolo ala na fakatuu ai e Lote lona nofoaga.

Senesi 20:17

Na faikole loa Apalaamo ki le Atua, ti na fakamauli loa e le Atua a Apimeleke, mo lana avaga ti mo ana fafine fakasausau ; ti na mafai loa ke lotou toe fanaunau.

Senesi 20:7

I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Senesi 32:28

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Lua tosi a Samuele 19:19

Ti na pati loa a ia ki le sau : Ke aua na taofi e le sau laku agaveli, ke galoi e ia lona lauvelii e lau tagata fakasausau i le aso leia na mavae ai le sau loku Aliki i Selusalemi, ti ke aua na tokagai e le sau le nea lena !

Uluaki tosi o Sau 13:6

Koia na masau loa le sau, o pati ki le tagata a le Atua : Kole ki le Eteleno, lou Atua, ti ke ulufaki au, o tupu ke mafai ke toe peluki loku lima. Na kole loa e le tagata a le Atua ki le Eteleno, ti na mafai loa e le sau ke toe peluki lona lima, leia na toe liliu loa ofaipe le masani.

Lua tosi o Koloniko 30:20

Na tali loa e le Eteleno le kole a Esekiasi, ti na fakamolemole loa a ia ki le kakai.

Sopo 42:8

Kotou too i le lakaga nei ni pipi tagata e fitu mo ni akeno tagata e fitu, ti kotou ano ki laku tagata fakasausau ko Sopo, ti kotou momoli se failaulau o tupu ko koutou. E faikole loa laku tagata fakasausau ko Sopo o uiga mo koutou, ti ko loku alofa kia Sopo toka tasi leia e leaise kau tautea ai loa koutou o mulimuli ki lokoutou valelea ; talie na leaise kotou masau kiate au i le maoki, ofaipe laku tagata fakasausau ko Sopo.

Pesalemo 34:15

Ke ke fakamamao i le veli, ti ke ke fai le nea leia e malie. Ke ke afa le tokamalie, ti ke ke tuli a ia.

Ekesote 17:11

Ka siki e Moisese ona lima ki aluga, ti e makeke Iselaele ; ti ka tuku e Moisese ona lima ki lalo, ti e makeke Amaleke.

Ekesote 9:33

Na mavae loa Moisese mei le fale o Falaone, o ulu mei le kolo ; ti na siki loa e ia ona lima ki le Eteleno, ti na gato loa le mana mo le ua fatu ; ti na leaise toe to loa le ua ki le kele.

Taagapati 15:29

E mamao le Eteleno i le kau agaveli, Kae e fakalogo a ia ki le kole a tagata agatonu.

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 28:9

Ko leia e fulusi ia lona taliga ke aua na logo ki le lao, E liliu lana faikole ko se nea fakalialia.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 33:3

Fetapa mai kiate au, ti e kau tali atu loa kiate koe ; E kau fakasa loa kiate koe ni nea lalasi, ni nea fakapulipuli, Ala e leaise ke iloa.

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;

Numelo 11:2

Na tagi loa le kakai kia Moisese. Ti na faikole loa Moisese ki le Eteleno, ti na mate loa le afi.

Mateo 21:22

Ko nea fuli ala e kotou kole loa i le tui i le faikole, e kotou maua loa a ia.

Mateo 3:6

ti na lotou kofesio fakalauatea alatou agasala, ti na papitema latou e Soane i le vai o Solotane.

Maleko 1:5

Na ano kiate ia le fenua katoa o Sutea ti mo le kakai fuli o Selusalemi, o kofesio alatou agasala, ti mo papitema latou e Soane i le vaitafe o le Solotane.

Luka 9:6

Na ano loa le kau tisipulo, ti na lotou fakalaka loa i kolo liliki fuli, o fakasa le logo malie, ti mo fakamauli a masaki i ganea fuli.

Soane 9:31

E tou iloa e leaise tali e le Atua le kau agasala ; kae kapau e fakaapaapa se tasi ki le Atua mo fai ia lona finegalo, e tali e ia a ia.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 19:18

Ti na toka api ai o latou ala na tui na au loa o kofesio mo fakasa a nea ala na lotou fai.

Gaoi 8:24

Na tali loa Simone : Kolua ulufaki au e koulua totonu ki le Aliki, ke aua na soko mai kiate au se nea i nea ala kua kolua masau ki ai.

Loma 3:10

o mulimuli ki le nea leia kua tosi : E leai se tagata agatonu, Eleai se toka tasi fua ;

Loma 5:19

Talie, i le patigataa a se tagata e toka tasi, na liliu se toka api o agasala, i le fakalogo foki a se tagata e toka tasi, e liliu loa se toka api o faitotonu.

Kolose 1:9

Koia ko maua foki, talu mei le aso leia na ma logo ai ki le nea lena, e leaise koi gato lama faikole ki le Atua o uiga mo koutou ; e ma kole ke kotou apele i le iloa o lona finegalo, i le poto katoa ti mo le atamai fakalaumalie,

Uluaki tosi ki le kau Tesalonika 5:17

Kotou faikole sosoko.

Uluaki tosi ki le kau Tesalonika 5:23

Ke alofa le Atua o le tokamalie o fakamaokioki koutou, mo taupau koutou katoa, le loto, mo le laumalie, ti mo le tino, ke lee mele i le aso o le toe liliu mai o lotatou Aliki ko Sesu-Kilisito.

Uluaki tosi ki le kau Tesalonika 5:25

Fetaina, kotou ulufaki matou.

Epelo 11:4

Ko le tui leia na momoli ai e Apele ki le Atua se sakilifisio leia e malie tukupau ake i leia a Kaino ; ko le tui leia na fakasa ai a ia ko le agatonu, o tali e le Atua ana moliga ; ko le tui leia koi masau ai a ia, logo ai kua mate.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Epelo 12:13

ti ke kotou muli ki okoutou vae i ni ala sasako, o tupu ke aua na sese le vae leia kua kito, kae ke toe fakamakeke a ia.

Epelo 13:18

Kotou ulufaki matou ; talie e motou iloa e motou maua se atamai malie, o loto ke malie tuumau a nea fuli ala e motou fai.

Sosue 10:12

Ti na masau loa Sosue ki le Eteleno, i le aso leia na tuku ai loa e le Eteleno le kau Amole ki fanau a Iselaele, ti na pati loa a ia i mua o Iselaele : Laa, ke ke tuu mau i aluga o Kapaone ! Ti mo koe, Masina, ke ke talitali i aluga o le vaivailiua o Asaloni !

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.

Uluaki tosi a Samuele 1:12

I le fualoa o lana faikole i mua o le Eteleno, na tioi loa e Eli lona gutu.

Uluaki tosi a Samuele 12:17

Pe leaise tou nonofo nei i le temi tuuti o le fulumeto ? E kau fetapa loa ki le Eteleno, ti e tuku mai loa e ia le mana mo le ua. Ke kotou iloa loa i ai le lasi o lakotou faisala ki mata o le Eteleno, o kole se sau kia koutou.

Uluaki tosi a Samuele 12:18

Na fetapa loa Samuele ki le Eteleno, ti na tuku loa e le Eteleno i le aso fai lena le mana mo le ua. Na maua loa e le kakai katoa se i lasi ki le Eteleno mo Samuele.