Sakopo 5:11 - Tosi Tapu

¹¹ Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.

Sakopo 5:11 ပူးပေါင်းရင်းမြစ်များ

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Ekesote 34:6

Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Sopo 2:10

Kae na tali loa a Sopo kiate ia : E ke masau ofaipe se fafine valea. Io ! e tou tali mei le Atua le malie, ti kolea e leaise tou tali ai foki le veli ! I nea fuli ana, na leaise agasala fua a Sopo i ona laugutu.

Uluaki tosi a Petelo 1:13

Koia ke kotou nonoa ai a ifiifi o lokoutou loto, kotou fakapotopoto, kotou maua se amanaki malie katoa ki le kalasia leia e tuku atu loa kia koutou i le aso leia e sa ai loa Sesu-Kilisito.

Luka 6:36

Koia kotou manavaalofa, ofaipe lokoutou Tamana e apele i le manavaalofa.

Tagi laulau a Selemia 3:22

E leaise oki agamalie o le Eteleno, E leaise gato ona manava alofa ;

Pesalemo 103:8

E manava alofa le Eteleno mo loto alofa, E kataki fualoa a ia mo agamalie ;

Numelo 14:18

E kataki fualoa le Eteleno, ti e apele a ia i le manava alofa, ti e fakamolemole e ia a agasala mo patigataa ; kae e leaise fakatonuia e ia le tagata agasala, ti e tautea e ia a agasala o tamana ki vosa o kaku ki le tolu mo le fa o tautupu.

Epelo 10:39

Ko tatou, e leaise tou kau kia latou ala e toe liliu ki muli ke pulinoa, kae e tou kau kia latou ala e maua ia le tui ke saofaki ai olatou laumalie.

Epelo 3:14

Talie kua tou kau kia Kilisito, mo kapau e tou taofi makeke lotatou uluaki tui o kaku ki le fakaoki,

Efeso 2:4

Kae ko le Atua, leia e mou koloa i le manavaalofa, o tupu ko le alofa lasi leia na alofa ai a ia kia tatou,

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Uluaki tosi o Koloniko 21:13

Na tali loa Tavite kia Kate : E kau nofo i se mamae lasi ! Oi ! ke kau vilo ki lima o le Eteleno, talie e lasi ai lona manava alofa ; kae ke aua na kau vilo ki lima o ni tagata !

Epelo 3:6

kae ko Kilisito, e agatonu a ia ofaipe le Vosa i lona fale totonu ; ti ko lona fale ko tatou, mo kapau e tou kukumi mau le tui makeke mo le amanaki malie o le kololia o kaku ki le fakaoki.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Ekelesiasi 7:8

E malie ake le ikuaga o se nea i lona kamataaga ; e malie ake se loto kataki i se loto fia nealasi.

Pesalemo 119:132

Fulusi mai ou mata kiate au, ti alofa mai kiate au, O mulimuli ki lau agamasani kia latou ala e alofa ki lou suafa !

Pesalemo 116:5

E manava alofa le Eteleno mo faitotonu, E apele lotatou Atua i le loto alofa.

Pesalemo 103:13

Ofaipe se tamana leia e alofa ki ana fanau, E alofa foki le Eteleno kia latou ala e i kiate ia.

Pesalemo 94:12

Manuia le tagata leia e ke tautea, ei Eteleno ! Ti e ke ako ki lau lao,

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Pesalemo 78:38

Kae, i lona manava alofa, e fakamolemole e ia le agaveli, ti e leaise maumaui e ia. E tau taofi e ia lona sausau, ti e leaise tuku e ia ke vilo lona mamafa katoa.

Pesalemo 37:37

Ke ke tio ki le tagata leia e saosaoa, Ti ke ke tokaga ki le tagata leia e agatonu ; Talie e i ai se sakoga ki le tagata o le tokamalie.

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Sopo 1:2

Na tupu loa kiate ia ni vosa e toka fitu mo ni taineliki e toka tolu.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Lua tosi o Koloniko 30:9

Kapau e kotou toe liliu mai ki le Eteleno, e maua loa e okoutou fetaina mo okoutou vosa le manava alofa i tafa o latou ala na ave popula ia latou, ti e lotou toe liliu mai loa ki le fenua leinei ; talie e manava alofa le Eteleno, lokoutou Atua, ti e leaise mafuli kese loa ona mata mei a koutou, mo kapau e kotou toe liliu mai kiate ia.

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Pesalemo 145:8

E manava alofa le Eteleno, ti e apele a ia i le loto alofa ; E taofi fualoa e ia lona ita, ti e apele a ia i le agamalie.

Pesalemo 51:1

Ki le pule o le kau sua. Pesalemo a Tavite.

Neemia 9:31

Kae i lou manava alofa lasi, na leaise ke pulii latou, na leaise ke tiaki oki latou, talie ko koe ko se Atua agamalie mo manava alofa.

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Sakopo 1:2

Ei oku fetaina, ke kotou tio ki asiasii kesekese ala e feala ke kotou felavei ia ofaipe se fiafia lasi,

Uluaki tosi a Petelo 3:14

Ti kapau e kotou mamae foki o tupu ko le faitotonu, e kotou manuia loa. Ke aua na kotou i fua ki tagata, ti ke aua na kotou nofo sosa fua ki se nea ;

Luka 11:10

Talie ko leia e kole e tali, ti ko leia e afa e maua, ti e fakamavaa ki leia e fitifiti.