Sakopo 5:1 - Tosi Tapu

¹ Kia koutou loa, kau mou koloa ! Kotou tagi mo lauga, o tupu ko malaia ala ka au loa kia koutou.

Sakopo 5:1 ပူးပေါင်းရင်းမြစ်များ

Pesalemo 17:14

Eteleno, saofaki au i tagata ki lou lima, i tagata o le malama nei, Ala kua maua lolatou vaega i le mauli, Ti kua ke fakaapele olatou manava ki ou koloa. E makokona olatou fanau, Ti e lotou tuku le tupu olatou koloa ki olatou makopuna.

Taagapati 11:28

E siga loa leia e fanaki ki ona koloa, Kae e sesega loa le kau agatonu ofaipe le lau o laakau.

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Esaia 13:6

Kotou fetagisi, talie kua ofi mai le aso o le Eteleno : Kua au a ia ofaipe se maumau mei le Mafimafi.

Esaia 15:3

I ala, kua lotou kofu ni taga ; I aluga o fale mo nofoaga fakafenua, Kua lotou sua fuli ni tagi laulau.

Selemia 4:8

Koia ke kotou tui ni taga, ke kotou tagi ti ke kotou tagi laulau, Talie e leaise toe maliu loa le sausau kaka o le Eteleno ia tatou.

Selemia 9:23

E folafola le Eteleno, o pati : Ke aua na fakakololia le tagata poto o tupu ko lona poto, Ke aua na fakakololia le tagata makeke o tupu ko lona makeke, Ke aua na fakakololia le tagata mou koloa o tupu ko ona koloa.

Esekiele 19:2

Ti ke pati : Ko ai lou tinana ? Ko se laione fafine. Na moe a ia i lotolotoga o ni laione tagata ; Na taupau e ia ona uviki i loto malie o ni laione muli.

Esekiele 30:2

Vosa o le tagata, kikite, ti ke pati : E folafola le Aliki, le Eteleno, o pati : Kotou tagi laulau !… Ei aso malaia !

Soele 1:11

Kua luma le kau gaoi kele, kua lauga le kau gaoi vite, O tupu ko le fulumeto mo le olese ; Talie kua maumau a fua o faisaga.

Soele 1:13

Tagata faisakilifisio, kotou tui okoutou kofu fakamamae ti kotou fetagisi ! Kotou tagi laulau, tagata fakasausau o le aletale ! Kotou au, kotou alaala i le po katoa mo okoutou taga, Tagata fakasausau o le fale o loku Atua ! Talie kua puli a moliga mo lipasio i le fale o lokoutou Atua.

Soele 1:5

Kotou alaala, kau konana, ti kotou fetagisi ! Koutou fuli, kau inu vino, kotou tagi laulau, Talie kua too le vino mei okoutou gutu !

Mikea 6:12

Talie kua apele i le agamakeke le kau mou koloa o le kolo leinei, Ti kua masau loi lona kakai, Ti kua kaka olatou alelo i olatou gutu.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Tetelonome 32:15

Kae na liliu loa Iselaele o peti, ti na tu vae loa a ia. Io, na liliu loa a ia o gako mo makita, ti na tiaki loa e ia le Atua, lona tupuaga. Na vesia loa a ia ki le Utu o lona ulufaga.

Sakopo 1:11

E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Sakopo 2:6

Kae ko koutou, e kotou fakamamae le mativa ! Pe leaise ko le kau mou koloa leia e fakavelivelii ia koutou ti mo ave ia koutou ki telepinale ?

Sakopo 4:13

Kia koutou ala e pati : I le aso nei pe ko apogipogi e motou ano loa ki le kolo leia, e motou nofo loa i ai i se fetuu katoa, e motou fai koloa loa i ai, ti e motou maua loa se koloa lasi ake !

Sakopo 4:9

Kotou logoi lokoutou fakaaloalofa ; kotou nonofo i le putu mo loimata ; ke liliu lakotou kata ko se putu, ti mo lokotou fiafia ko se mamae.