Sakopo 4:8 - Tosi Tapu

⁸ Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.

Sakopo 4:8 ပူးပေါင်းရင်းမြစ်များ

Senesi 18:23

Na fakafeofi loa Apalaamo kiate ia, o pati : Pe ke tamate loa le tagata agatonu mo le tagata agasala ?

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Sopo 16:17

Kae na leaise uku fua oku lima i le fakamakeke, Ti na mea tuumau laku faikole.

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Sopo 9:30

Talie kapau e kau maanu loa i le nive, Ti kapau e kau fakamea loa oku lima ki se topa,

Pesalemo 119:113

E kau vesia ki tagata lotolotolua, Kae kau alofa ki lau lao.

Pesalemo 145:18

E ofi le Eteleno kia latou fuli ala e fetapa kiate ia, Kia latou fuli ala e fetapa kiate ia i le maoki.

Pesalemo 18:20

Na tuku loa e ia au ki le lau lasiga, Na fakamauli e ia au, talie e alofa a ia kiate au.

Pesalemo 24:4

Ko leia e saosaoa ona lima ti e mea lona loto ; Ko leia e leaise tuku ia lona laumalie ki le loi, Ti e leaise fakapapau i le kaka.

Pesalemo 26:6

E kau fanofano oku lima i le mea, Ti e kau ano ki tafa o lou aletale, Eteleno !

Pesalemo 51:10

Ke ke fakasa mai kiate au le nekenekea mo le fiafia, Ti e fiafia loa a ivi ala na ke fatifatii.

Pesalemo 73:13

E maoki na leai sona aoga ke kau fakamea loku loto, Ti ke kau fufulu oku lima i le maokioki :

Pesalemo 73:28

Kiate au, ko laku fakafeofi ki le Atua, ko lena loku koloa : E kau fakatuu loku mumuniaga i le Aliki, le Eteleno, O tupu ke fakamatala au gaoiaga fuli.

Esaia 13:15

Ko latou fuli ala e maua loa e sokai loa, Ti ko latou fuli ala e tapo loa e tamate loa ki le seleta.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 58:2

I aso fuli e lotou afa au, E lotou fia iloa oku ala ; Ofaipe se puleaga leia na fai ia le faitotonu Ti na leaise tiaki ia le lao o lona Atua, E lotou kole mai kiate au ni fakamaau faitotonu, E lotou oli ke fakafeofi ki le Atua.

Selemia 4:11

I le aso lena, e pati loa ki le kakai leinei mo Selusalemi : E agi se matagi vevela mei potu taualuga o le toafa Ki le ala o le taine o loku kakai, Ti e leaise ko se matagi maamaa ke tu ia mo fakamea ia le fulumeto.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Tagi laulau a Selemia 3:57

I le aso leia na kau fetapa ai kiate koe, na ke fakafeofi mai kiate au, Na ke pati : Aua na ke i !

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Malakia 3:7

Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Mateo 12:33

E kotou pati : e malie le laakau, ti e malie lona fua ; e kotou pati foki : e veli le laakau, ti e veli lona fua ; talie e iloa le laakau i lona fua.

Mateo 15:2

Kolea e maumaui ai e au tisipulo le talatisio a le kau matua mago ? Talie e leaise fufulu olatou lima mo ka lotou kai.

Mateo 27:24

I le tio a Pilato e leaise malo a ia i se nea fua, kae kua asilisili le maveuveu, na too loa e ia se vai, ti na fanofano loa e ia ona lima i mua o le kakai, o pati : E kau mea i le toto o le tagata agatonu lena. Ko le nea lena a koutou fai a ia.

Gaoi 15:9

Ti na leaise fai fua e ia se fakakesekese ia tatou mo latou, o fakamea e ia olatou loto i le tui.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Uluaki tosi kia Timoteo 2:8

Koia e kau loto ai ke faikole tagata fuli i ganea fuli, o siki ni lima mea, sala ita mo sala manatu veli.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Epelo 7:19

Talie na leaise ave e le lao se nea e tasi ki le malie tukupau ; kae kua fakaulu loa se amanaki malie tukupau, leia e tou fakafeofi ai ki le Atua.

Sakopo 1:8

talie ko se tagata loto noa a ia mo mou loto i ona ala fuli.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Uluaki tosi a Petelo 1:22

Kua kotou fakamea okoutou laumalie i le fakalogo ki le maoki ke kotou maua se alofa fakatautaina maoki, koia ke kotou fealofani makeke ia koutou, i lokoutou loto katoa,

Uluaki tosi a Petelo 3:21

Ko le vai lena ko le fakatata o le papitema, leia e leaise ko le fakamea o kelekele o le tino, kae ko le fakapapau a se atamai mea ki le Atua, leia foki e saofaki ia koutou i le temi nei ki le toe tuuake o Sesu-Kilisito ;

Uluaki tosi a Soane 3:3

Ko leia e maua ia le amanaki malie lena iate ia, ke fakamea a ia, ofaipe ia totonu e mea.

Uluaki tosi a Samuele 14:35

Na fakatuu loa e Saulo se aletale ki le Eteleno : Ko le uluaki aletale lena na fakatuu e ia ki le Eteleno.