Sakopo 4:6 - Tosi Tapu

⁶ Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Sakopo 4:6 ပူးပေါင်းရင်းမြစ်များ

Lua tosi o Koloniko 32:26

Koia, mei loto malie o lona fia nealasi, na fakasemala loa Esekiasi mo le kakai o Selusalemi, ti na leaise vilo loa le sausau o le Eteleno kia latou i le lolotoga o le mauli o Esekiasi.

Lua tosi o Koloniko 33:12

I lana nofo loa i le mamae, na tagi loa a ia ki le Eteleno, lona Atua, ti na fakasemala lasi loa a ia i mua o le Atua o ona tamana.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Lua tosi o Koloniko 33:23

ti na leaise fakasemala fua a ia i mua o le Eteleno ofaipe le fakasemala a Manase, lona tamana, talie na toe asilisili ake lana agasala.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Sopo 22:29

Talie e fakaveli e le Atua a fakatuutuu fuli ala e fia taualuga ; Kae tuku e ia lana tokoi ki leia e taulalo.

Pesalemo 138:6

E taualuga le Eteleno : e tio a ia ki le kau agamalu, Ti e iloa e ia mei mamao le kau fia taualuga.

Pesalemo 9:12

Kotou sua ki le Eteleno, leia e nofo i Sione ; Kotou fakasa ana gaoi i lotolotoga o atu puleaga !

Ekesote 18:11

I le aso nei kua kau iloa e lasi ake le Eteleno i atua fuli ; talie kua toe vilo le agaveli a le kau Esipito kia latou.

Taagapati 15:33

Ko le i ki le Eteleno e ako ia le poto, Ti e muamua le fakataulalo i le kololia.

Taagapati 18:12

I mua o le maumau, e malaga ki aluga le loto o le tagata ; Kae e muamua le fakataulalo i le kololia.

Taagapati 22:4

Ko le fua o le fakataulalo, o le i ki le Eteleno, Ko le mou koloa, mo le kololia, mo le mauli.

Taagapati 29:23

Ko le fia nealasi o se tagata e tuku ia a ia ki lalo, Kae ko leia e loto fakataulalo e maua ia le kololia.

Taagapati 3:34

E gologolo a ia kia latou ala e gologolo kiate ia, Kae e soli e ia le kalasia kia latou ala e agamalu.

Esaia 2:17

E tuku loa ki lalo le tagata fia nealasi, Ti e fakataulalo loa le tagata fia taualuga : Kae e siki loa ki aluga le Eteleno toka tasi i le aso lena.

Esaia 54:7

I se ga temi ikiiki na kau tiaki a koe, Kae i se alofa lasi e kau tali loa a koe ;

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Taniela 4:37

I le temi nei, ko au Nepukatenesale, e kau fakavikiviki, e kau atolasio, ti e kau fakakololiai le sau o le atu lagi, leia e maoki ana gaoi fuli ti e totonu ona ala, ti e mafai ke tuku ia ki lalo latou ala e saele i le fia nealasi.

Mateo 13:12

Talie e tuku loa ki leia e maua ia, ti e nofo loa a ia i le mou, kae ki leia e leaise maua ia e toe too loa meiate le nea leia e maua e ia.

Mateo 23:12

Ko leia e fia malaga loa ki aluga e tuku loa a ia ki lalo, ti ko leia e fakataulalo loa e siki loa a ia ki aluga.

Luka 1:52

Na fakaifo e ia le kau makeke i olatou ekeekeaga fakasau, Ti na siki e ia ki aluga latou ala e taulalo.

Luka 14:11

Talie ko leia e fia taualuga e tuku loa a ia ki lalo, ti ko leia e fakataulalo e siki loa a ia ki aluga.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Sakopo 4:10

Kotou fakataulalo i mua o le Aliki, ti e siki loa e ia koutou ki aluga.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.

Uluaki tosi a Samuele 2:3

Aua na kotou toe masau fia nealasi ; Ke aua na mapuna mai le masau makeke i lokoutou gutu ; Talie ko le Eteleno ko se Atua leia e iloa ia a nea fuli, Ti ko ia leia e fua ia a gaoi fuli.