Sakopo 4:4 - Tosi Tapu

⁴ Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Sakopo 4:4 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Pesalemo 21:8

E fanaki le sau ki le Eteleno ; Ti e leaise siga a ia, o tupu ko le agamalie o le Taualuga.

Pesalemo 50:18

Kapau e ke tio ki se tagata kaia, e ke fiafia mo ia, Ti e ke maua lou vaega i le kau tono.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Esaia 57:3

Kae ko koutou ake ala, kotou fakafeofi mai ki leinei, vosa o le fafine fai nea fakatemonio, Sakoga o le fafine tono mo faiaga !

Selemia 2:2

Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 9:2

Oi ! ka na kau maua i le toafa se falepola talifanoga, E kau tiaki loa loku kakai, e kau fakamamao loa i ai, Talie ko ni kau fai tono fuli latou, Ko ni kau kaka.

Esekiele 16:32

Na ke liliu ko le fafine faiaga leia e tali ia ni tagata kese kae tiaki e ia lona avaga totonu.

Oseo 3:1

Na pati mai loa le Eteleno kiate au : Toe ano, o alofa ki se fafine leia e alofa ki ai se tasi ake tagata, ti e tono tagata ki ai ; ke ke alofa kiate ia ofaipe le alofa o le Eteleno ki fanau o Iselaele, ala kua maliu ki ni atua kese ti kua manako ki kato fuai vite.

Mateo 12:39

Na tali loa a ia kia latou : E kole se milakulo e se tautupu agaveli mo fai feauaki ; e leaise toe tuku loa ki ai se tasi ake milakulo i leia o le polofeta ko Sonasi.

Mateo 16:4

E kole e se tautupu agaveli mo fai feauaki se milakulo ; e leaise toe tuku loa kiate ia se tasi ake milakulo i leia o Sonasi. Ti na tuku loa e ia latou, kae ano loa a ia.

Mateo 6:24

E leaise mafai e se tasi ke tausi ki ni pule e toka lua. Talie, pe vesia loa a ia ki le tasi, kae e alofa loa a ia ki le tasi ; pe pipiki loa a ia ki le tasi, kae tiaki loa e ia le tasi. E leaise mafai ke kotou tausi ki le Atua mo Mamone.

Luka 19:27

Kae, kotou aumai ki leinei oku fili, ala na leaise loto ke kau sau kia latou, ti kotou tamate latou i oku mua.

Soane 15:19

Kanapau ko kotou a le malama nei, e alofa loa le malama nei ki lana nea. Kae tupu e leaise ko koutou a le malama nei, ti na kau filifili koutou mei loto malie o le malama nei, koia e vesia ai le malama nei kia koutou.

Soane 17:14

Kua kau tuku kia latou lau folafola ; ti kua vesia le malama nei kia latou, talie e leaise lotou kau i le malama nei, ofaipe au e leaise kau kau i le malama nei.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Loma 5:10

Talie kapau, i le temi leia na tou fefiliaki ai, na fakatokatoka tatou mo le Atua i le mate o lona Alo, e toe tasi ake loa lotatou saofaki e lona mauli i le oki o lotatou fakatokatoka mo le Atua.

Loma 8:7

Koia ko le tokaga ki nea o le kanofi, e fili ki le Atua, talie e leaise fakalogo le kanofi ki le Atua, ti e leaise mafai ai e ia.

Uluaki tosi ki le kau Kolinto 1:20

Kofea le poto ? Kofea le sekelipa ? Kofea le tagata fakavisi o le malama nei ? Pe na leaise fakamaoki le Atua ko se valea le poto o le malama nei ?

Uluaki tosi ki le kau Kolinto 1:21

Talie i lona poto na leaise iloa e le malama nei le Atua, kae na malie ki le Atua i lona poto ke saofaki latou ala e tui ki le valea o le akonaki.

Kalate 1:10

Ti ko leinei, pe ko le alofa o tagata leia e kau oli ki ai, pe ko leia o le Atua ? Pe kau afa ke kau mata malie ki tagata ? Kapau koi kau mata malie ki tagata, ti e leaise ko le tagata fakasausau loa au a Kilisito.

Sakopo 1:27

Ko le lotu leia e mea mo lee mele i mua o le Atua ko le Tamana, ko le fakatele ki fanau sala matua mo lokonui i olatou mamae, ti mo le fakamamao mei nea kelekele fuli o le malama nei.