Sakopo 3:6 - Tosi Tapu

⁶ Ti ko le alelo foki ko se afi ; ko se malama a ia o le agasala. Kua fakatuu le alelo i lotolotoga otatou koga tino, o fakakelekele le tino katoa. E tutu e ia lotatou mauli katoa ki le afi leia e au kiate ia mei Ifeli totonu.

Sakopo 3:6 ပူးပေါင်းရင်းမြစ်များ

Lua tosi a Samuele 16:20

Na pati loa Apesalone kia Asitofele : Kolua felogoi fakatasi pe kolea le nea leia ke tou aga o fai ?

Lua tosi a Samuele 19:43

Ti na tali loa a tagata o Iselaele ki tagata o Suta : E motou kau tua kau agafulu ki le sau, ti e toe lasi ake kia Tavite ia koutou. Kolea na kotou fakanoai ai matou ? Pe na leaise ko matou ala na uluaki manatu ke toe aumai lomatou sau ? Ti na masau loa a tagata o Suta o makeke ake i tagata o Iselaele.

Lua tosi o Koloniko 13:17

Na taai loa latou e Apisa mo lona kakai ki se tamate lasi, o matea ai loa ni kau tagata tau o Iselaele e tino lelau afe lima.

Pesalemo 140:3

Ala e fakakaukau ia ni fakatuutuu veveli i olatou loto, Ti e fakatasi tuumau ke tau !

Pesalemo 64:3

Saofaki au i fono veli a le kau agasala, I le fakatasi logoa a tagata agaveli !

Taagapati 15:1

E fakafimalie le ita e se tali malu, Kae e fakaasilisili a ia e se masau fefeka.

Taagapati 16:27

E teuteu e le tagata veli ke malaia, Ti e maua i ona laugutu se afi kaka.

Taagapati 6:19

Mo le tagata fakamaoki loi leia e fakasa ia ni loi, Ti mo leia e fakatupu ia ni fefele i fetaina.

Taagapati 7:5

O tupu ke la puipui a koe i le fafine matapule, I le fafine matapule, leia e fai ia ni masau suamalie.

Esaia 30:27

Ko leinei, e au le suafa o le Eteleno mei mamao ; Kua vevela lona sausau, ofaipe se vela makeke ; Kua apele ona laugutu i le sausau, Ti kua fai lona alelo pe se afi kaka.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Levitiko 24:11

Na lauveli loa le vosa o le fafine Iselaele, o takua noa ki le suafa o le Atua. Ti na ave loa a ia kia Moisese. Ko le igoa o lona tinana ko Selomite, le taine o Tipeli, mei le faasiga o Tane.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Numelo 31:16

Ko leinei, ko latou ala na taki ia tagata o Iselaele ke agasala ki le Eteleno i le faiganea o Peoli, o mulimuli ki le tokoi a Palaame ; ti koia leia na vilo ai le malaia i le fakatasi a le Eteleno.

Mateo 12:24

I lalatou logo ki le nea lena, na pati loa le kau Faliseo : E kapu e le tagata lena le kau temonio i le makeke o Pelesepu, le pule o le kau temonio.

Mateo 5:22

Kae ko au, e kau pati atu kia koutou ko leia e ita ki lona taina, e tonu ke ave a ia ki le fakamaau ; ko leia e pati loa ki lona taina : Valeuka ! E tonu ke fakatua e le fono lasi : Ti ko leia e pati loa ki lona taina : Uluvale ! E tonu ke fakatua ki le afi o Ifeli.

Maleko 7:15

E leaise nea fua i tafa o le tagata, e ulu ki le tagata, e mafai ke fakakelekele ia a ia ; kae ko le nea leia e ulu mei le tagata, ko ia leia e fakakelekele ia a ia.

Luka 16:24

Ti na tauvasa loa a ia : Tamana Apalaamo, alofa mai kiate au, ti kakau mai Lasalo ke fakasusu e ia le tumutumu o lona maikao ki le vai, ke fakamokomoko ai loku alelo, talie e kau mamae lasi ai i le afi nei.

Gaoi 20:30

ti e mafuta loa i lotomalie o koutou, ni tagata ala e ako ia loa ni nea salasala, ke toso ai a tisipulo i olatou muli.

Gaoi 5:3

Na pati loa Petelo kiate ia : Ananiasi, kolea kua ke tuku ai Satana ke fakaapele ia lou loto, o tupu ai lau loiloisi le Laumalie Maokioki, ti mo lau taofi se potu o le paaga o le kele ?

Gaoi 6:13

Na lotou aumai loa ni tagata fakamaoki loi ke lotou pati : E leaise tuku e le tagata leinei ana lauveli ki le fale tapu maokioki, ti mo le lao ;

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Sakopo 2:7

Pe leaise ko latou ala e lauvelii ia le igoa fulumalie leia kua kotou maua ?

Sakopo 3:7

Talie na fakalalata e le tagata i mua, ti e koi fakalalata nei foki e ia a manu fekai kesekese fuli, mo manu lele, mo manu totolo, ti mo manu o le tai ;

Lua tosi a Petelo 3:3

Kotou iloa mua, i aso fakamuli, e au loa ni kau gologolo, ala e saele loa o mulimuli ki olatou oli veveli totonu.

Tolu tosi a Soane 1:10

Koia, kapau e kau natu, e kau fakamanatu loa le veli katoa leia e fai e ia, a masau veveli mo loi ala e lau e ia kia matou. Kae e leaise feauga le nea lena kiate ia, e leaise fakatalitali e ia fetaina, ti e taofi e ia latou ala e loto ki ai, o kapu latou mei le Ekelesia.

Apokalipisi 12:9

Ti na ti loa ki fafo le gata lasi, le gata afea, leia na igoa ko Tiapolo mo Satana, leia na kakaai ia le malama nei katoa. Ti na ti loa a ia ki le kele, ti na ti foki ana kau aselo mo ia ki le kele.

Apokalipisi 13:14

Ti na kakaai e ia a kakai o le malama nei ki ana nea fakaofolele ala na soli ke fai e ia i mua o le uluaki manu fekai. Ti na pati a ia ki kakai o le malama nei ke fau se fakatata o le manu leia na lavea i le seleta ti na mauli.

Apokalipisi 18:23

E leaise toe sa loa iate koe le ula o le malama, ti e leaise toe logo loa iate koe ki le leo o le tagata avaga mo le fafine avaga ; talie ko lau kau fai koloa ko le kau makeke a ia o le malama nei, ti na ke kakai a puleaga fuli ki au nea fakatemonio,

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.