Sakopo 3:10 - Tosi Tapu

¹⁰ Mei le gutu fuai e tasi e mapusi ai le tapuaki mo le malaia. E leaise tonu, ei oku fetaina, ke fenaaki.

Sakopo 3:10 ပူးပေါင်းရင်းမြစ်များ

Senesi 20:9

Ti na toe kalagai foki e Apimeleke a Apalaamo, o pati kiate ia : Kolea le nea leia kua ke fai kia matou ? Kolea laku sala kua fai kiate koe ke ke tuku ai kiate au mo loku puleaga se agasala lasi fenaaki ? Kua ke fai kiate au se nea leia e leaise tonu ke fai.

Lua tosi a Samuele 13:12

Na tali loa Tamale kiate ia : Leai, ei loku tuagaane, aua na ke fakamatagafua au, talie e leaise fai se nea feneeki i Iselaele ; aua na ke fakasoko le nea fakalialia lena.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Loma 12:14

Ke kotou tapuaki kia latou e fakaveliveli atu kia koutou, kotou tapuaki kae aua na kotou tutuku.

Uluaki tosi ki le kau Kolinto 3:3

Talie koi maua ia koutou se finenonofo mo ni fefele, pe leaise kotou fakakanofi, pe leaise kotou saele o mulimuli ki le tagata ?

Uluaki tosi kia Timoteo 5:13

Toe tasi ake, e lotou fakamasani loa i le fakapuli noa o lolatou temi i le ulu saele ki fale ; ti e leaise gato fua i le nofo noa, kae toe veli ake talie e lotou gutu pati mo fia ilo, o masau ki nea ala e leaise tonu ke masau ki ai.

Sakopo 1:16

Aua na kotou fai sala, ei oku fetaina alofaina :

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;

Sakopo 3:1

Ei oku fetaina, ke aua na fai akonaki se toka api, talie e kotou iloa e lasi loa lotatou tautea.

Sakopo 3:11

Pe mafai ke mapusi mei se matapuna e tasi le vai mami mo le taiatea ?

Sakopo 3:9

E tou fakafetai ki le Aliki lotatou Tamana i le alelo, ti e tou lauveli foki i le alelo ki tagata ala na fai o fakatatau ki le paaki o le Atua.

Uluaki tosi a Petelo 3:9

Aua na kotou totogi le veli ki le veli, pe ko le lauveli ki le lauveli, kae ke kotou tapuaki, talie kua kalagai koutou ki ai, o tupu ke kotou mau tofiga le tapuakina.