Sakopo 3:1 - Tosi Tapu

¹ Ei oku fetaina, ke aua na fai akonaki se toka api, talie e kotou iloa e lasi loa lotatou tautea.

Sakopo 3:1 ပူးပေါင်းရင်းမြစ်များ

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Malakia 2:12

E motusi loa e le Eteleno le tagata leia e fai ia le nea lena, leia e alaala mo leia e tali, E motusi loa e ia a ia i falela o Sakopo, Ti motusi loa e ia leia e fai ia se moliga Ki le Eteleno o kau tau.

Mateo 10:24

E leaise lasi ake le tisipulo i le pule, pe ko le tagata fakasausau i lona aliki.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Mateo 23:14

Malaia kia koutou, kau sekelipa mo kau faliseo malualoi ! Talie e kotou foloako a fale o fafine lokonui, ti e kotou fai i tafa ni kole loloa ; koia e fakamaui loa koutou o toe mamafa ake.

Mateo 9:11

Na tio loa le kau faliseo ki le nea lena, ti na lotou pati loa ki ana tisipulo : Kolea e kai ai lokoutou pule mo le kau popelikano ti mo le kau agasala ?

Luka 16:2

Na kalagai loa e le pule lana tagata taupau koloa, o pati kiate ia : Kolea leia e kau logo ki ai o uiga mo koe ? Fakamatala mai kiate au lau taupau, talie e leaise ke toe taupau loa oku koloa.

Luka 6:37

Aua na kotou fakamaaui, ti e leaise fakamaaui loa koutou ; aua na kotou fakatuaa se tasi, ti e leaise fakatuaa loa koutou ; kotou fakamolemole, ti e fakamolemole atu loa kia koutou.

Soane 3:10

Na tali loa Sesu kiate ia : Ko le toketa a koe o le lao i Iselaele, ti e leaise ke iloa a nea ana !

Gaoi 13:1

Na i ai ni polofeta mo ni toketa i le Ekelesia o Atiokia : Ko Palenapa, mo Simeone na igoa ko Uli, mo Lusiusi mei Silene, mo Manaene leia na lasi ake fakatasi mo le sau ko Elote Atipasi, ti mo Saulo.

Uluaki tosi ki le kau Kolinto 12:28

Ti kua fakanofo e le Atua i le Ekelesia, ko le uluaki ko le kau apositolo, ko le lua ko le kau polofeta, ko le tolu ko le kau fai akonaki, ti sosolo ai mai latou ala e maua ia le nea alofa o milakulo, ti mo latou ala e maua ia a nea alofa ke fakamauli ai a masaki, ke tokoi, ke lagiaki, ke masau ki masau kesekese.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Efeso 4:11

Ti na soli e ia ni iki ko le kau apositolo, mo ni iki ko le kau polofeta, mo ni iki ko le kau evaselisita, mo ni iki ko le kau tausi ovi mo le kau toketa,

Uluaki tosi kia Timoteo 1:7

e lotou loto ke lotou liliu ko ni toketa o le lao, kae e leaise lotou matala fua ki nea ala e lotou masau ki ai, pe ko le nea leia e lotou fakamaoki ki ai.

Uluaki tosi kia Timoteo 2:7

ti kua fakanofo e ia au ki ai ko se tagata fai akonaki, ti mo se apositolo (e kau fakasa le maoki, e leaise kau loi), ke akonaki ki le kau pagani i le tui mo le maoki.

Lua tosi kia Timoteo 1:11

Ko le Evaselio lena, kua fakanofo au ki ai ko le tagata fai akonaki, mo le apositolo leia e tonu ke ako ia le kau pagani.

Epelo 13:17

Kotou fakalogo ki okoutou kau takitaki, ti kotou fakaapaapa kia latou, talie e lotou tokaga ki okoutou laumalie ala e fakamaaui ai loa latou i se aso ; kotou fai fenaaki o tupu ke lotou fai lalatou gaoi i le fiafia, kae leai i le lauga, talie e leai sona aoga loa kia koutou.

Sakopo 1:16

Aua na kotou fai sala, ei oku fetaina alofaina :

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;

Sakopo 3:10

Mei le gutu fuai e tasi e mapusi ai le tapuaki mo le malaia. E leaise tonu, ei oku fetaina, ke fenaaki.

Uluaki tosi a Petelo 5:3

o leaise kotou faipe ni kau pule kia latou ala kua tuku atu ke kotou tokaga ki ai, kae ke kotou liliu ko ni faifaitakiaga ki le kau ovi.