Sakopo 2:18 - Tosi Tapu

¹⁸ Kae e pati loa se tasi : Ko koe, e ke maua le tui ; ti ko au, e kau maua a gaoi. Fakasa mai kiate au lau tui sala gaoi, ti ko au, e kau fakasa atu loa kiate koe laku tui i aku gaoi.

Sakopo 2:18 ပူးပေါင်းရင်းမြစ်များ

Loma 14:23

Kae ko leia e lotolotolua o uiga mo le nea leia e kai e ia, e fakamaaui a ia i ai, talie e leaise kai a ia i le tui. Talie e agasala a nea fuli ala e leaise au mei le loto maoki.

Loma 3:28

Talie e tou tuku e fakamatatonu le tagata i le tui, sala mo gaoi o le lao.

Loma 4:6

Ofaipe le fakasa foki e Tavite le manuia o le tagata leia e tuku ki ai e le Atua le faitotonu, sala gaoi :

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Loma 9:19

E ke pati mai loa kiate au : Kolea koi ita ai a ia ? Talie ko ai e taofi ia lona finegalo ?

Uluaki tosi ki le kau Kolinto 13:2

Ti kapau e kau maua loa le nea alofa o le kikite, mo le iloa o misitelio fuli, ti mo le poto katoa ; ti kapau e kau maua loa le tui katoa o kaku ki le siki o mauga, kae e leaise kau maua le alofa, ko le nea noa au.

Lua tosi ki le kau Kolinto 5:17

Koia kapau e nofo se tasi ia Kilisito, ko se keleatula foou a ia : kua puli a nea afea ; ko leinei kua liliu a nea fuli o foou.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 5:6

Talie, ia Sesu-Kilisito, e leaise aoga le silikosisio pe ko le lee silikosisio, kae ko le tui leia e gaoi i le alofa.

Uluaki tosi kia Timoteo 1:5

Ko le uiga o le fakatotonu lena, ko se alofa leia e au mei se loto mea, mo se fakakaukau malie, ti mo se tui maoki.

Tito 2:7

o ke fakasa e koe totonu i nea fuli se faifaitakiaga o gaoi malilie, ti mo ke tuku se akonaki mea, mo gali,

Epelo 11:31

Ko le tui leia na leaise mate ai loa Laape, le fafine faiaga, mo latou ala na leaise tui, talie na tali malie e ia le sa esipio Iselaele.

Epelo 11:33

I le tui, na lotou malo loa i ni puleaga, mo fai loa ni fakamaau, mo maua loa ni fakapapau, mo tapono loa le gutu o laione,

Epelo 11:6

Io, sala mo le tui, e leaise feala ke malie se tasi ki le Atua ; e tonu ko leia e fakafeofi ki le Atua ke tui a ia e i ai se Atua, ti ko ia leia e fakapale ia latou ala e afa ia a ia.

Sakopo 2:14

Ei oku fetaina, kolea lona aoga ki se tasi ke pati a ia e maua e ia le tui, mo kapau e leaise maua e ia a gaoi ? Pe feala ke fakamauli a ia e le tui lena ?

Sakopo 3:13

Ko ai leia e poto mo atamai ia koutou ? Ke fakamaoki e ia a ia ki le malie o lana aga, ti mo ni gaoi ala e fai i le agamalu mo le poto.