Sakopo 2:16 - Tosi Tapu

¹⁶ ti e pati se tasi ia koutou kia laua : Ke kolua ano i le fimalie, ke kolua fakamafana ti ke kolua makokona ! kae e leaise kotou soli kia laua le nea leia e aoga ki le tino, kolea le aoga o le nea lena ?

Sakopo 2:16 ပူးပေါင်းရင်းမြစ်များ

Mateo 15:32

Na kalagai loa e Sesu ana tisipulo, o pati : E kau aloalofa ki le kakai leinei ; talie kua aso tolu loa lalatou nonofo i oku tafa, ti e leaise lotou maua se nea ke kai. E leaise kau fia kakau latou ke ano pakupaku, talie na lotou ninimo loa i le ala.

Mateo 25:35

Talie na kau fia kai, ti na kotou soli mai kiate au se nea ke kai ; na kau fia inu, ti na kotou soli mai kiate au se nea ke inu ; na kau matapule ti na kotou tali au ;

Mateo 25:36

na kau telefua ti na kotou fakalava au, na kau masaki ti na kotou fakatele mai kiate au ; na kau pilisoni, ti na kotou au kiate au.

Maleko 5:34

Kae na pati loa Sesu kiate ia : Ei loku taine, kua saofaki a koe e lau tui ; ano i le tokamalie, talie kua ke mauli i lou masaki.

Loma 12:9

Ke puli le malualoi i le alofa. Ke kotou fakalialia ki le veli ti ke kotou pipiki fakamakeke ki le malie.

Lua tosi ki le kau Kolinto 8:8

E leaise kau fakasa le nea lena ke tuku atu se fakatotonu, kae ke asiasii ai, i le alofa o la ake, le maoki o lokoutou alofa.