Sakopo 2:13 - Tosi Tapu

¹³ talie e sala manavaalofa le fakamaau ki leia na leaise manavaalofa ; kae e malo le manavaalofa i le fakamaau.

Sakopo 2:13 ပူးပေါင်းရင်းမြစ်များ

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Lua tosi o Koloniko 28:11

Koia ke kotou fakalogo mai ai kiate au, ti kotou tuku le kau popula lena na kotou fai i okoutou ; talie e nofo mo koutou le sausau lasi o le Eteleno.

Pesalemo 18:25

Koia na liufaki ai e le Eteleno kiate au o mulimuli ki loku agatonu, O mulimuli ki le mea o oku lima i ona mua.

Pesalemo 85:10

Io, e ofi lona fakamauli kia latou ala e i kiate ia, O tupu ke nofo le kololia i lotatou fenua.

Taagapati 21:13

Ko leia e tapono ia lona taliga ki le kalaga a le tagata mativa, E kalaga loa a ia totonu, kae e leaise maua loa e ia se tali.

Taagapati 22:16

Ko leia e fakamakeke ia le tagata mativa e fakatupu ia lona koloa, E tatau mo leia e soli ia ki le tagata mou koloa ke fakaasilisili ai lona mativa.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mateo 5:7

Manuia latou ala e manavaalofa, talie e lotou maua loa le manavaalofa !

Mateo 6:15

kae kapau e leaise kotou loto fakamolemole ki tagata, e leaise fakamolemole foki e lokoutou Tamana akoutou agasala.

Luka 16:25

Na tali loa Apalaamo : Ei laku fanau, manatui e koe na ke maua au nea malilie i le lolotoga o lou mauli, kae na maua e Lasalo a nea veveli i le lolotoga o lona mauli ; i le aso nei, kua fimalie a ia i leinei, kae ko koe, kua ke mamae.

Luka 6:37

Aua na kotou fakamaaui, ti e leaise fakamaaui loa koutou ; aua na kotou fakatuaa se tasi, ti e leaise fakatuaa loa koutou ; kotou fakamolemole, ti e fakamolemole atu loa kia koutou.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Sakopo 5:4

Ko leinei, e tagi le totogi o le kau gaoi, ala na tuuti ia akoutou faigasaga, kae na kotou taofi olatou totogi ; ti kua kaku a tagi a latou ala na tuuti ki taliga o le Aliki o kau tau.

Tuifakamaau 1:7

Na pati loa Atoni-Peseki : na tae e sau e tino fitu, ala na tutuuti a maikao matua o olatou lima mo olatou vae, a toega kai i lalo o loku laupapa kai : Kua toe liufaki loa e le Atua kiate au le nea leia na kau aga o fai. Na ave loa le sau ki Selusalemi, ti na mate loa a ia i ai.

Tuifakamaau 5:27

Na punou Sisela ki lalo i vae o Saele, na teka a ia ki le kele, ti na moe a ia ki lalo. Io, i ona vae na punou a ia ki lalo, na teka a ia ki le kele kua oki lona mauli.