Sakopo 2:11 - Tosi Tapu

¹¹ Talie ko leia na pati : Aua na ke tono, na toe pati foki : Aua na ke tukipo. Koia kapau e leaise ke tono, kae ke tukipo, kua ke liliu ko se tagata maumau lao.

Sakopo 2:11 ပူးပေါင်းရင်းမြစ်များ

Levitiko 4:13

Ti kapau na agasala fakafuanoa le fakatasi katoa o Iselaele o fai e ia se nea leia na tapui e se lao e tasi a le Eteleno, e agasala loa i ai le kakai katoa o Iselaele, logo ai na leaise iloa e ia.

Levitiko 4:2

Masau ki vosa o Iselaele, o ke pati : Kapau e agasala loa se tagata kae na leaise loto a ia ki ai, o fai e ia se nea leia na tapui e se lao e tasi o lao a le Eteleno, e tonu loa ke fai fakafeneeki :

Levitiko 4:22

Ti kapau e agasala loa se tagata pule, o fai fakafuanoa loa e ia se nea leia na tapui e se lao a le Eteleno, ko lona Atua, ti e agasala loa a ia i le nea lena.

Mateo 19:18

Ti na tali loa Sesu : Aua na ke tukipo ; aua na ke tono ; aua na ke kaia ; aua na ke fakamaoki loi ; fakaapaapa ki lou tamana mo lou tinana ;

Maleko 10:19

E ke iloa a fakatotonu : Aua na ke tono loa mo se fafine ; aua na ke tukipo loa ; aua na ke kaia loa ; aua na ke fakamaoki loi loa ; aua na ke fai loa se nea veli ki se tasi ; fakaapaapa ki lou tamana mo lou tinana.

Luka 18:20

E ke iloa a fakatotonu : Aua na ke tono, aua na ke tukipo, aua na ke kaia, aua na ke fakamaoki loi, fakaapaapa ki lou tamana mo lou tinana.

Loma 13:9

Koia ko fakatotonu : Aua na ke tono loa, aua na ke tukipo loa, aua na ke kaia loa, aua na ke manumanu loa, ti mo iki atu fakatotonu, e fakatoetoe fuli i le folafola leinei : E ke alofa loa ki lou oloi ofaipe koe totonu.