Sakopo 1:5 - Tosi Tapu

⁵ Kapau e mativa se tasi ia koutou i le poto, ke kole e ia a ia ki le Atua, leia e soli lasi ki tagata fuli, sala valoki, ti e soli loa a ia kiate ia.

Sakopo 1:5 ပူးပေါင်းရင်းမြစ်များ

Uluaki tosi o Koloniko 22:12

Ke alofa le Eteleno o soli kiate koe le poto mo le iloa i le temi leia e tuku ai loa e ia kiate koe le pule i Iselaele, o fakalogo ki le lao a le Eteleno, lou Atua !

Lua tosi o Koloniko 1:10

Soli mai foki kiate au le poto mo le iloa, o tupu ke kau iloa le saele i mua o le kakai leinei ! talie ko ai e mafai ia loa ke fakamaaui ia lou kakai, le kakai lasi leinei ?

Pesalemo 51:6

Na kau agasala kiate koe toka tasi, Ti na kau fai le nea leia e veli ki ou mata ; Koia e ke faitotonu ai loa i lau fakatuutuu, ti e ke maokioki ai loa i lau fakamaau.

Ekesote 31:3

Kua kau fakaapele a ia ki le Laumalie o le Atua, mo le poto, mo le atamai, ti mo le malama i gaoi fakatufuga kesekese fuli.

Ekesote 31:6

Ti ko leinei, kua kau soli kiate ia se tokoi ko Ooliape, vosa o Aisamake, mei le faasiga o Tane. Kua kau tuku loa se poto ki loto o le kau tagata tufuga fuli ke lotou fai gaoi fuli ala na kau fakatotonu atu kiate koe :

Taagapati 8:17

E kau alofa kia latou ala e alofa kiate au, Ti e kau maua e latou ala e afa ia au.

Mateo 11:20

Na fai e Sesu ni valoki fakamakeke ki kolo ala na soko ai le lasiga o ana milakulo, talie na leaise lotou fakasemala.

Maleko 16:14

Ti na sili a ia, na toe sa loa Sesu ki le tino agafulu tupu tasi, kae lotou lolotoga kai ; ti na valoki loa e ia kia latou lolatou tui gataa mo le fefeka o olatou loto, talie na leaise lotou tui kia latou ala na tio kiate ia kua toe tuuake.

Soane 14:13

ti ko nea fuli ala e kotou kole loa i loku suafa, e kau fai loa latou, o tupu ke fakakololia le Tamana i le Alo.

Soane 15:7

Kapau e kotou nonofo iate au, ti e nofo aku folafola ia koutou, kotou kole se nea fua leia e kotou loto loa ki ai, ti e soli atu loa a ia kia koutou.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Sakopo 3:17

Ko le poto mei aluga, e fuafuaki mea a ia ; ti lua e tokamalie a ia, mo agamalu, mo loto malie, mo apele i le manavaalofa ti mo fua malilie, mo mea mei le fakapalatasi ti mo le malualoi.

Sakopo 5:16

Koia ke kotou fekofesioaki akoutou agasala, ti kotou fefaikoleaki, o tupu ke kotou mauli. E aoga lasi ai le faikole fakamalotoloto a le tagata agatonu.

Uluaki tosi a Soane 3:22

Ti ko se nea fua leia e tou kole, e tou maua a ia meiate ia, talie e tou fai ana fakatotonu, ti e tou fai le nea leia e malie kiate ia.