Sakopo 1:18 - Tosi Tapu

¹⁸ Na fakatupu e ia tatou ki le folafola o le maoki o mulimuli ki lona finegalo, o tupu ke tou liliu ko le kau uluaki tupu o lana kakai.

Sakopo 1:18 ပူးပေါင်းရင်းမြစ်များ

Selemia 2:3

Na fakatapu Iselaele ki le Eteleno Na liliu a ia ko uluaki fua o lona tupu. Ko latou fuli ala na kai kiate ia na agasala, Ti na vilo le malaia kia latou, e pati le Eteleno.

Levitiko 23:10

Masau ki fanau a Iselaele, o pati kia latou : Ka kotou ulu loa ki le fenua leia e kau soli atu loa kia koutou, ti kotou fai loa le tuuti o le fulumeto, kotou ave loa ki le tagata faisakilifisio le uluaki fuiga fulumeto leia e kotou tuuti loa.

Amosi 6:1

Malaia kia latou ala e mauli fakafulufulumalie i Sione, Ti e fimalie i le mauga o Samalia ! Ki kau lalasi ana o le uluaki o atu puleaga fuli, Latou ana e ano ki ai le fale o Iselaele !…

Soane 1:13

o leia i le toto, pe i le finegalo o le kanofi, pe i le finegalo o le tagata, kae i le Atua.

Loma 4:17

Kua kau fakanofo a koe ko le tamana o ni puleaga mauke ai. Ko ia ko lotatou tamana i mua o leia na tui a ia ki ai, le Atua, leia e soli ia le mauli ki le kau mate, ti e pati ki nea ala e leikiaise tupu pe ni nea kua tupu.

Uluaki tosi ki le kau Kolinto 4:15

Talie, kapau e kotou maua foki ni pule e tino agafulu afe ia Kilisito, kae e leaise kotou maua ni tamana mauke, talie ko au leia na fanaui ia koutou ia Sesu-Kilisito ki le Evaselio.

Lua tosi ki le kau Kolinto 6:7

i le folafola o le maoki, i le makeke o le Atua, i masafu tau mo masafu tali tau o le maokioki ;

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:13

Iate ia ko koutou foki, i le oki o lakotou fakalogo ki le folafola o le maoki, le Evaselio o lokoutou saofaki, na kotou tui ti na fakamailoga koutou e le Atua ki le Laumalie Maokioki o le fakapapau,

Lua tosi kia Timoteo 2:15

Faiga ke ke tuu i mua o le Atua ofaipe se tagata kua fakamaoki, leia e leaise luma fua i lana gaoi, ti e vaevae totonu ia le folafola o le maoki.

Epelo 12:23

ki le fakatasi o le kau uluaki tupu ala kua tosi i le atu lagi, ki le tui fakamaau leia ko le Atua o tagata fuli, ki laumalie o le kau agatonu ala kua kaku ki le malie tukupau,

Sakopo 1:15

Ti ka faitoe le oli, e fanaui loa e ia le agasala ; ti ka katoa le agasala, e fanaui loa e ia le mate.

Sakopo 1:21

Koia ke kotou tiaki ai a nea kelekele fuli ti mo agaveli fuli, kae kotou tali i le loto malu le folafola leia kua to ia koutou, leia e feala ke fakamauli ia okoutou laumalie.

Sakopo 3:14

Kae kapau e kotou maua i okoutou loto se oli kona mo se loto fefele, aua na kotou viki koutou, ti aua na kotou loi ki le maoki.

Uluaki tosi a Petelo 1:23

talie kua kotou tupu foou, o leai mei se pulapula popo kae mei se pulapula lee popo, mei le folafola mauli mo lee gato a le Atua.

Uluaki tosi a Petelo 1:3

Ke fakafetai ki le Atua ko le Tamana o lotatou Aliki ko Sesu-Kilisito, leia kua tuku ia kia tatou se mauli foou, o fakatatau ki lona manava alofa lasi, ki se amanaki mauli i le toe tuuake a Sesu-Kilisito mei le kau mate,

Uluaki tosi a Soane 3:9

Ko leia na tupu mei le Atua, e leaise mauli a ia i le agasala, talie e nofo mau le pulapula o le Atua iate ia ; ti e leaise feala ke mauli a ia i le agasala, talie na tupu a ia mei le Atua.

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.