Sakopo 1:12 - Tosi Tapu

¹² Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Sakopo 1:12 ပူးပေါင်းရင်းမြစ်များ

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Sopo 2:10

Kae na tali loa a Sopo kiate ia : E ke masau ofaipe se fafine valea. Io ! e tou tali mei le Atua le malie, ti kolea e leaise tou tali ai foki le veli ! I nea fuli ana, na leaise agasala fua a Sopo i ona laugutu.

Sopo 5:17

Manuia le tagata leia e tautea e le Atua ! Aua na ke fakanoai le tautea mei le Mafimafi.

Pesalemo 11:5

E tilo e le Eteleno le loto o le tagata agatonu ; E vesia a ia ki le tagata agaveli mo leia e fiafia i le agamakeke.

Pesalemo 119:67

I mua o loku fakamamaei, na kau sese ; I le aso nei e kau fai lau folafola.

Pesalemo 119:71

E malie kiate au ke tuku au ki lalo, O tupu ke kau ako au fakatuutuu.

Pesalemo 119:75

E kau iloa, ei Eteleno ! e totonu au fakamaauaga ; Talie ko lou agatonu leia na ke fakamamae ai au.

Pesalemo 5:11

Taai latou ofaipe ni tagata agasala, ei Atua ! Tuku latou ke vivilo i alatou fakakaukau ! Tiaki latou o tupu ko alatou agasala ala e leaise mafai ke lau ! Talie e lotou agatuu kiate koe.

Pesalemo 94:12

Manuia le tagata leia e ke tautea, ei Eteleno ! Ti e ke ako ki lau lao,

Ekesote 20:6

ti e manava alofa o kaku ki le afe o tautupu kia latou ala e alofa kiate au mo fakalogo ki aku folafola.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Esaia 64:4

E ke ano ki mua o leia e fai ia le faitotonu i le fiafia, Ki mua o latou ala e saele i ou ala ti e manatu kiate koe. Kae na ke ita, o tupu na motou agasala ; Ti e motou mamae i ai o fualoa o kaku ki le aso e fakamauli ai loa matou.

Sakalia 13:9

E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Mateo 10:22

E vesiainai loa koutou e le kakai fuli, o tupu ko loku suafa ; kae ko leia e kataki fualoa loa o kaku ki le fakaoki e saofaki loa.

Mateo 25:34

Ti e pati loa le sau kia latou ala e tutuu loa i lona fetuu atamai : Kotou au, koutou ala na tapuaki e loku Tamana ; kotou maua le puleaga leia na teuteui atu kia koutou talu mei le kamataaga o le malama nei.

Luka 6:22

Manuia loa koutou mo ka e vesia loa a tagata kia koutou, mo ka e kapu loa koutou, mo ka e lauveli loa kia koutou, ti mo tiaki loa okoutou igoa, o tupu ko le Vosa o le tagata !

Loma 5:4

mei le kataki fualoa le malo i le asiasi, ti mei le malo le amanaki malie.

Loma 8:28

Ti e tou iloa e gaoi a nea fuli ki le malie o latou e alofa ki le Atua, o latou kua kalagai o mulimuli ki lana fakatuutuu.

Uluaki tosi ki le kau Kolinto 2:9

Kae, ofaipe lona tuu i le tosi : Ko ni nea ala na leaise tio ki ai le mata, ti na leaise logo ki ai le taliga, ti na leaise ulu ki le loto o le tagata, ko ni nea ala na teuteui e le Atua kia latou ala e alofa kiate ia.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Uluaki tosi ki le kau Kolinto 9:25

Ko latou fuli ala e fai manogi e fakamaua latou ki sesunio kesekese fuli, ti e lotou fai a ia ke maua ai se pala popo, kae ko tatou, e tou fai a ia ki se pala lee popo.

Tetelonome 13:3

ke aua na ke fakalogo loa ki masau a le polofeta lena pe ko le tagata fai kikite lena, talie ko le Eteleno, lokoutou Atua, lena e asiasii ia koutou ke iloa pe kotou alofa ki le Eteleno, lokoutou Atua, i lokoutou loto katoa mo lokoutou laumalie katoa.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Lua tosi kia Timoteo 2:15

Faiga ke ke tuu i mua o le Atua ofaipe se tagata kua fakamaoki, leia e leaise luma fua i lana gaoi, ti e vaevae totonu ia le folafola o le maoki.

Lua tosi kia Timoteo 4:8

Ko leinei, kua taofi mai kiate au le pala o le faitotonu ; ko le Aliki, le tui fakamaau faitotonu, e soli ia loa a ia kiate au i le aso lena, ti e leaise gato fua kiate au, kae kia latou fuli foki ala e alofa loa ki lona toe liliu mai.

Epelo 10:32

Kotou manatui a uluaki aso i mua, i le oki o lokoutou fakamalamai, na kotou kataki se tau lasi i loto malie o mamae.

Epelo 11:17

Ko le tui leia na momoli ai loa e Apalaamo a Isaake, i lona asiasii, ti na momoli loa e ia lona vosa fuatasi, leia na tuku ki ai a fakapapau,

Epelo 12:5

Ti kua kotou galoi le akonaki leia kua fai atu kia koutou ofaipe ki ni vosa : Loku vosa, aua na ke fakanoai le akonaki mei le Aliki, Ti aua na ke loto gaegae mo ka valoki e ia a koe ;

Epelo 6:15

Ti na maua loa e Apalaamo le nea leia na fakapapau kiate ia o tupu ko lana kataki fualoa.

Sakopo 2:5

Kotou fakalogo mai, ei oku fetaina alofaina : Pe na leaise filifili e le Atua le kau mativa o le malama nei, ke lotou mou koloa i le tui, ti ke lotou maua tofiga le Puleaga leia na fakapapau e ia kia latou ala e alofa kiate ia ?

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.

Uluaki tosi a Petelo 3:14

Ti kapau e kotou mamae foki o tupu ko le faitotonu, e kotou manuia loa. Ke aua na kotou i fua ki tagata, ti ke aua na kotou nofo sosa fua ki se nea ;

Uluaki tosi a Petelo 4:13

Kae kotou fiafia i lakotou kau ki mamae o Kilisito, o tupu ke kotou fiafia foki i se fiafia lasi mo ka fakasa loa lona kololia.

Uluaki tosi a Petelo 4:14

Kapau e lauvelii koutou o tupu ko le suafa o Kilisito, e kotou manuia, talie e nofo ia koutou le Laumalie o le kololia, le Laumalie o le Atua.

Uluaki tosi a Petelo 5:10

Ko le Atua o kalasia fuli, leia na kalagai ia koutou ia Sesu-Kilisito ki lona kololia lee gato, mo ka oki loa lakotou tali ni mamae i se ga temi ikiiki fua, e fakasaosaoa loa e ia totonu koutou, mo fakafefeka loa koutou i le tui, mo fakamakeke koutou i le alofa, ti mo fakatuu mau koutou i le amanaki malie.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Uluaki tosi a Soane 4:19

Kia tatou, e tou alofa kiate ia, talie na uluaki alofa a ia kia tatou.

Apokalipisi 2:10

Aua na ke i ki le nea leia e ke mamae ai loa. Ko leinei, e ti loa e le Tiapolo ni iki o koutou ki le pilisoni, o tupu ke asiasii ai koutou, ti e kotou maua loa se mamae i aso e kau agafulu. Ke ke agatonu o kaku ki le mate, ti e kau soli loa kiate koe le pala o le mauli.

Apokalipisi 3:19

Ko au, e kau valoki ti e kau tautea latou fuli ala e kau alofa ki ai. Koia ke ke loto oli mo ke fakasemala.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.